«Men onymen 30 jyl buryn, táýelsiz Qazaqstannyń qalyptasý kezeńinde kezdestim», - deıdi Eýropalyq qaıta qurý jáne damý bankiniń birinshi prezıdenti, tanymal franýz ekonomısti, jazýshy jáne saıası qaıratker Jak Attalı Nursultan Nazarbaevpen tanysqan kezdi esine alyp.
EQDB – Qazaqstan óziniń daýys berý quqyǵy bar, tolyq múshelikke ıe bolǵan alǵashqy halyqaralyq mekemeleriniń biri boldy.
Bul osy 30 jyl ishinde Prezıdent Nazarbaevpen birneshe ret kezdesýdiń jáne onyń naryqtyq ekonomıkaǵa negizdelgen qazirgi zamanǵy demokratııalyq, áleýmettik jáne ekologııalyq turǵydan sanaly, óz ınstıtýttaryn jańartý jolyndaǵy memleket retindegi eldi damytý ustanymymen, jigerimen, onyń qabileti jáne tájirıbesimen tanysýdyń tamasha múmkindigi boldy.
Men úshin Saraptamalyq-konsýltatıvtik keńestiń múshesi bolý jáne Qazaqstan Konstıtýııasynyń erejelerin daıyndaýǵa kómektesý úlken mártebe boldy. Men sondaı-aq Prezıdent Nazarbaevtyń halyqaralyq qyzmetinen jáne onyń saıası kóregendigi, kelissózderdi baqylaýda ustaý jáne óte qıyn jaǵdaıda áreket etý qabileti turǵysynan óte qysqa merzimde álemdegi eń dana adamdardyń birine aınalýynan qatty áser aldym», - dedi Attalı alyp kórshilermen qorshalǵan eldiń zor áleýetin atap ótip.
Reseı, Qytaı, Iran jáne basqa eldermen kórshiles ornalasqan Qazaqstan sekildi eldi basqarý úshin dıplomatııalyq ári áleýmettik úlken áleýet pen daǵdy qajet. Prezıdent Nazarbaev osy daǵdylarǵa ıe, sonyń arqasynda ol salmaqty sheshimder qabyldaı aldy, onyń biri – eldiń bas qalasyn Astanaǵa kóshirý jáne álemdegi eń myqty sáýletshilerdiń kómegimen ǵajaıyp, qalaǵa aınaldyrý boldy.
Sonymen qatar, Prezıdent Nazarbaevtyń danalyǵynyń arqasynda Qazaqstanǵa tikeleı qatysy joq máseleler boıynsha Qazaqstanda ashyq jáne jabyq formatta kóptegen halyqaralyq kelissózder júrgizilýde. Óte qıyn jaǵdaıǵa túsken kelissóz júrgizýshileri bar qonaqjaılylyqpen qabyldanyp, prezıdent Nazarbaevtyń aqyl-keńesterin alady», - dedi ekonomıst.
Onyń aıtýynsha, Qazaqstan – bolashaǵy zor el. Prezıdent Nazarbaev azııalyq jáne de batystyq kóptegen álemdik órkenıetterdiń bastaýlaryna oralyp, memleketti jańadan turǵyzdy.
Men oǵan bar jaqsylyqty tileımin jáne onyń elge jáne búkil álemge qaldyrǵan murasy keleshek urpaqqa jetedi dep senemin. Bul mura – eldi kórkeıtýge, órkenıetti memleket, jańa ınstıtýttar qurýǵa, totalıtarlyq rejımnen demokratııalyq rejımge beıbit jolmen kóshýge bolatyndyǵyn aıqyndaıdy. Sondaı-aq, barsha halyqty, onyń ishinde, ásirese, bolashaǵy memlekettik basqarýdyń basymdyǵy bolyp tabylatyn keıingi urpaqty qamtıtyn modernızaııany júzege asyrýǵa bolatyndyǵyn dáleldeıdi», - dedi J.Attalı.
