Pavlodar ákimi apparatynyń basshysy Qaıyrjan Ońǵarov aımaqtaǵy orys tildi mektepterdiń kóbeıýin talqylaýǵa kelgen belsendige psıhıkalyq aýrýhanadan dárigerlerdi shaqyrǵany úshin qyzmetinen bosatyldy. Bul týraly Pavlodar oblysynyń ákimi Ábilqaıyr Sqaqov brıfıng barysynda baıandady.
Aımaq basshysynyń aıtýy boıynsha, Rýza Beısenbaıtegi ákimdikke kelip, beıbit mıtıng ótkizýge ruqsat suraǵan. Ákimdik oǵan sankııa bergen.
«Rýza Beısenbaıtegi ákimdikke ótinishpen keldi. Biz oǵan beıbit mıtıng ótkizýge ruqsat berdik. Barlyq usynystardy qabyl aldyq.
Qazir memlekettik qyzmetkerler bul máseleni qolǵa aldy. Men de osy oqıǵany óz baqylaýymda ustaımyn, - dep jaýap berdi oblys ákimi.
Brıfıng barysynda Sqaqov oqıǵa bolǵannan keıin ákim apparatynyń basshysy Ońǵarovtyń qyzmetinen bosatylǵanyn atap ótti.
«Adyrna» ulttyq portaly
