IBF jáne IBO nusqalary boıynsha álem chempıony Gennadıı Golovkın (40-1-1, 35 KO) 18 jeltoqsanda AQSh-ta ótetin polıak boksshysy Kamıl Sheremetamen (21-0, 5 KO) jekpe-jegine daıyndyǵy týraly aıtty, dep habarlaıdy "Adyrna" ulttyq portaly Sports.kz-ke silteme jasap.
Matchroom Boxing promoýterlik kompanııasy men DAZN strımıng servısi atalǵan oqıǵany resmı túrde jarııalady. Jekpe-jek Amerıkanyń Florıda shtatyndaǵy Hard Rock Hollywood kazıno-qonaqúıinde ótedi.
— Bul jaı ǵana jekpe-jek emes. Bul aıqastyń úlken máni bar. Men árqashan barlyq qarsylasyma úlken qurmetpen qaraımyn. Ózim shynymen boksty saǵyndym, osy jyly jekpe-jek ótkizgim keldi. Meniń maqsatym – 21-shi ret álem chempıony ataǵyn qorǵaý, - dedi Golovkın.
Sýret fergana.agency
