Qoǧamǧa töngen qauıpterdı atap körsettı

«Aq jol» demokratiialyq partiiasynyŋ XVI sailaualdy qūryltaiynda töraǧa Azat Peruaşev basqaru jüiesındegı kemşılıkterdı atap körsettı, dep habarlaidy  «Adyrna» ūlttyq portaly partiianyŋ baspasöz qyzmetıne sılteme jasap. Partiianyŋ kezektı qūryltaiynda baiandama jasaǧan Azat Peruaşev qoǧamdaǧy türlı keleŋsızdıkter men problemalarǧa keŋınen toqtalyp, bylai dedı:«Mysaly, COVID-19 pandemiiasy bastalǧannan berı bolyp jatqan oqiǧalar vertikaldy basqaru jüiesınıŋ kemşılıkterın äşkerelep körsettı.  Al qoǧamda şielenısken pıkırtalastar el täuelsızdıgınıŋ basty qauıp-qaterlerınıŋ auqymyn aşyp körsettı, olar: – biurokratiia men sybailas jemqorlyq, – äleumettık ädıletsızdık jäne bailar men kedeiler arasyndaǧy alşaqtyq, – ekonomika men bilıktı monopoliialandyru. Jarty jyldyq karantin kezınde halyqtyŋ tūrmysy naşarlap kettı. Şaǧyn jäne orta biznes qūldyrady. Biudjet qana emes, sondai-aq Ūlttyq qordyŋ transfertterı qazırgı qajetılıkke  jūmsalyp, sonyŋ özınde talan-tarajǧa salynuda. Qoǧamda memlekettık instituttarǧa senımsızdık küşeiıp, halyq bilık monopoliiasynan qaji bastady. Elımızge äleumettık-ekonomikalyq salada, saiasi jüiege de tübegeilı özgerıster qajet. Atalǧan özgerısterdı tym soza berudıŋ qauıptılıgı sonda, būl – Ukraina, Belarus pen Qyrǧyz elındei memlekettık daǧdarysqa äkep soǧuy mümkın. Al, Täuelsızdıktıŋ eŋ basty kepılı qaru emes, öz memleketın syilaityn, baǧalaityn azamattyq qoǧam boluy kerek. Sondyqtan, qazırgı bilık modelıne bır ǧana balama bar – ol tereŋ äleumettık-ekonomikalyq jäne saiasi reformalardy qabyldap, jüzege asyruy qajet». Foto aşyq derekközden alyndy.