Qazaqstan quramasy Lıtvadan jeńilip, sońǵy orynǵa syrǵydy

3050
Adyrna.kz Telegram

Fýtboldan Qazaqstan quramasy Ulttar lıgasynda Lıtvadan jeńildi. Almatynyń Ortalyq stadıonynda ótken oıyn 1:2 esebimen aıaqtaldy, - dep habarlaıdy "Adyrna" ulttyq portaly Vesti.kz-ge silteme jasap.

Bul oıynda esepti bizdiń quramanyń oıynshylary ashqan bolatyn. 38-mınýtta Abat Aıymbetov nátıjeli soqqymen kózgen tústi. Biraq Qazaqstan quramasy basymdyqty kóp ustap tura almady. Arada eki mınýt ótken soń qonaqtar Stas Pokatılovtyń qaqpasyna gol soǵyp, esepti teńestirdi. Kózge túsken - Modestas Vorobıovas. Al ekinshi taımnyń aıaqtalar tusynda Lıtva quramasy jeńis golyn soqty. Bul joly Arvıdas Novıkovas kózge tústi.

Ekinshi taımda Qazaqstan quramasy bir oıynshyǵa kem oınady. Matchtyń 50-mınýtynda Islambek Qýat ekinshi sary qaǵazyn alyp, alańnan qýyldy.

Bul jeńilisten keıin Qazaqstan quramasy S lıgasynyń 4-tobynda sońǵy orynda qaldy. Endi tómengi dıvızıonǵa túsip ketpeý úshin bizdiń qurama taǵy bir kezdesý ótkizedi. Bıyl Ulttar lıgasynda Mıhal Bılek jattyqtyratyn quramamyz tórt upaıǵa qol jetkize aldy.

Aıta keteıik, bul bas bapker Mıhal Bılek úshin ulttyq quramadaǵy sońǵy oıyny bolýy múmkin. Sebebi keıbir BAQ ókilderi cheh mamanyn jýyrda qyzmetinen ketetinin jazyp jatyr.

 

Sýret QFF

Pikirler