Futboldan Qazaqstan qūramasy Ūlttar ligasynda Litvadan jeŋıldı. Almatynyŋ Ortalyq stadionynda ötken oiyn 1:2 esebımen aiaqtaldy, - dep habarlaidy "Adyrna" ūlttyq portaly Vesti.kz-ge sılteme jasap.
Būl oiynda eseptı bızdıŋ qūramanyŋ oiynşylary aşqan bolatyn. 38-minutta Abat Aiymbetov nätijelı soqqymen közgen tüstı. Bıraq Qazaqstan qūramasy basymdyqty köp ūstap tūra almady. Arada ekı minut ötken soŋ qonaqtar Stas Pokatilovtyŋ qaqpasyna gol soǧyp, eseptı teŋestırdı. Közge tüsken - Modestas Vorobiovas. Al ekınşı taimnyŋ aiaqtalar tūsynda Litva qūramasy jeŋıs golyn soqty. Būl joly Arvidas Novikovas közge tüstı.
Ekınşı taimda Qazaqstan qūramasy bır oiynşyǧa kem oinady. Matchtyŋ 50-minutynda İslambek Quat ekınşı sary qaǧazyn alyp, alaŋnan quyldy.
Būl jeŋılısten keiın Qazaqstan qūramasy S ligasynyŋ 4-tobynda soŋǧy orynda qaldy. Endı tömengı divizionǧa tüsıp ketpeu üşın bızdıŋ qūrama taǧy bır kezdesu ötkızedı. Biyl Ūlttar ligasynda Mihal Bilek jattyqtyratyn qūramamyz tört ūpaiǧa qol jetkıze aldy.
Aita keteiık, būl bas bapker Mihal Bilek üşın ūlttyq qūramadaǧy soŋǧy oiyny boluy mümkın. Sebebı keibır BAQ ökılderı cheh mamanyn juyrda qyzmetınen ketetının jazyp jatyr.
Suret QFF
Ūqsas jaŋalyqtar
