18.11.2020 jyly Nur-Sultan qalasy polıııa departamenti tergeý basqarmasynyń bastyǵy Ǵumar ShYNYBEKOV Janbolat AǴADILDIŃ ólimine qatysty qylmystyq is boıynsha tergeý barysynyń mán-jaıymen tanystyrdy.
Ǵumar Shynybekovtiń aıtýynsha, elge belgili azamattyq belsendi Dýlat AǴADILOVTIŃ uly Janbolat Aǵadil men ony óltirgen qylmysker bir-birimen tanys emes jáne qylmyskerler oqıǵa ornynan qashpaq bolǵan. Sondaı-aq Janbolat Aǵadildiń ólimine qatysty kúdikti 20 jylǵa deıin bas bostandyǵynan aırylýy múmkin.
Tergeý basqarmasynyń bastyǵy: «Aǵadilovtiń ólimine jáne buzaqylyqqa qatysty qylmystyq is boıynsha tergeý jumystary júrgizilip jatyr. Tergeý barysynda 2020 jyldyń 7 qarashasynda saǵat 23.00 shamasynda, aldymen Nur-Sultan qalasyndaǵy Kóktal shaǵyn aýdany, Bolashaq kóshesi 28-de, sodan keıin Aqmola oblysy Talapker aýdanyndaǵy Sinooil JQS-ynda boıjetken úshin janjal bolǵan. 2020 jyldyń 10 qarashasynda bul janjal óz jalǵasyn tapty. Saǵat 23.00 shamasynda Aǵadilov dostarymen birge Aqmola oblysy Talapker kentinen birneshe avtokólikpen kelisip, Nur-Sultan qalasyndaǵy Kóktal shaǵyn aýdanyna keledi. Sol jerde basqa toppen kezdesedi. Tóbeleske 5 adam qatysqan. Jábirlenýshilerdiń biri jeńil dene jaraqatyn alǵan. Al azamat Janbolat Aǵadildiń júregine zaqym kelgen. Oqıǵa ornyna jedel járdem barǵan. Al kúdiktiler eki kólikke otyryp qashqan. Birneshe saǵat ishinde bul adamdardyń izderi anyqtalyp, sol qylmys bolǵan shaǵyn aýdanda ustaldy,» - dep málimdedi.
Sondaı-aq Ǵumar Shynybekov kúdiktilermen Janbolat Aǵadildiń buryn-sońdy tanys bolmaǵanyn basa aıtty.
Basqarma bastyǵy kúdiktilerdiń qashýyna baılanysty suraqqa: «Kúdiktiler qashpaq bolǵanda, men aıtqandaı, qylmyskerler ketip qalǵan. Biraq sol qylmys jasaǵan Kóktal aýylynyń ishinen bir avtokólik ustaldy. Keıin bir saǵat shamasynda ekinshi avtokólik ustaldy. Búginde úsh adam ustalyp otyr. Polıııa qyzmetkerlerine olar qarsylyq bildirmedi», - dep jaýap berdi.
«Adyrna» ulttyq portaly
