Qazaqstandyq dziudoşy Jūrqamyrza Şükırbekov Japoniianyŋ Aiti-Nagoia qalasynda ötıp jatqan V Aziia para oiyndarynda altyn medal jeŋıp aldy, dep habarlaidy "Adyrna" ūlttyq portaly.
Būl – Qazaqstan qūramasynyŋ biylǧy jarystaǧy onynşy altyn jüldesı. 21 qazanda 95 kelıden joǧary salmaq därejesınde, J2 sanatynda öner körsetken Jūrqamyrza Şükırbekov jartylai finalda İran ökılı Amirhossein Nimruzi Navohimen beldestı. Qazaqstandyq sportşy qarsylasyn 2 minut 50 sekundta ippon ädısımen jeŋdı.
Finaldyq kezdesude Şükırbekov taǧy bır irandyq dziudoşy Mūhammadreza Heirollahzade Varzimen küş synasty. Tört minutqa sozylǧan beldesu qorytyndysy boiynşa qazaqstandyq sportşy iuko baǧasymen basym tüsıp, V Aziia Para oiyndarynyŋ chempiony atandy.
Qazır ūlttyq qūramanyŋ qorjynynda 36 medal bar. Onyŋ 10-y – altyn, 10-y – kümıs, 16-sy – qola.
Qazaqstan qūramasynyŋ būǧan deiıngı üzdık nätijesı 2023 jyly Qytaidyŋ Hanchjou qalasynda ötken IV Aziia Para oiyndarynda tırkelgen edı. Sol kezde otandyq sportşylar 8 altyn, 12 kümıs jäne 21 qola medal jeŋıp alyp, jalpy sany 41 jüldege qol jetkızgen.
