Belgili jýrnalıst, «QAZAQSTAN» Ulttyq arnasynyń bas prodıýseri Maqsat Tolyqbaı birinshi jeltoqsannan bastap efırden ketedi, dep habarlaıdy «Adyrna» ulttyq portaly. Ol bul týraly Facebook jelisindegi resmı paraqshasynda jazdy.
«Áriptesim, jýrnalıst Dına Elgezek «Maqsat Tolyqbaıdyń saıası naýqannyń aldynda nege saıası belsendiligi arta túsedi?» dep jazypty. Byltyrǵy saılaýdy meńzegen bolar. Rınat Zaıtovty bosatýyn talap etip, eki saǵatta úsh myń adam jınalǵan edik. Osy joly jarq etip bireý shyqsa qoldaýǵa daıyn edim. Kúttim...
Ashyǵyn aıtaıyq, jańa partııa tirketýge múmkindik joq. Majorıtarly emes, proporıonaldy júıe bolǵandyqtan, jeke okrýgten de túse almaısyń. Qazirgi júıede baıkot jarııalaý da iske aspaıdy.
Birneshe partııadan usynys tústi. Uzaq oılandym. Qysqasy, aldaǵy saılaýda «ADAL» partııasynyń atynan kandıdat retinde qatyspaqpyn. Nege? Óıtkeni "Adaldaǵy" jastardyń úlesi 60 paıyz bolǵan soń. Qazir qoǵam naqty qadamdar kútedi. Parlament zań shyǵarýshy organ ǵana emes, onda qoǵamnyń eń ózekti máseleleri túgel aıtylýy kerek. Baǵymdy synap kóreıin. Eshteńe istemegen adam ǵana qatelespeıdi. Nar táýekel! Azamattyq qoǵamnyń damýyna tıtteı de bolsa úles qossam deımin»,-dedi jýrnalıst.
Sondaı-aq, Maqsat Tolyqbaı «bas prodıýser» qyzmetin senip tapsyrǵan «QAZAQSTAN» Ulttyq arnasynyń basshylyǵyna raqmetin aıtty.
«Ótkende esterińizde bolsa «Jýrnalıst saıası partııada bolmaýy tıis», - degen edim. Qysqasy, birinshi jeltoqsannan bastap efırden ketemin»,-dep sózin qorytyndylady ol.
«Adyrna» ulttyq portaly
