Ertaev pen sybaılasynan 59 mlrd teńgeniń múlki tárkilendi

2761
Adyrna.kz Telegram

Almaty  qalasy Almaly aýdandyq sotynyń tóraǵasy óz úkiminde Jomart Ertaevtyń QR Qylmystyq kodeksiniń 218 jáne 28-baptary boıynsha 11 jylǵa bas bostandyǵynan aırylýyn, jazasyn ótegennen soń 10 jyl boıy bank pen qarjy salasynda qyzmet isteýge tyıym salynatynyn aıtty.

Ekinshi deńgeıli bankterdiń birinen 144 mıllıard teńge jymqyrdy degen kúdikke ilingen qarjyger kinásin moıyndaǵan. Bul iske Jomart Ertaevtan bólek 36 adamnyń isi qaraldy.
Aıyptaý úkimi kezinde sottalýshy men sybaılasy Baqyt Ibragım ekeýinen 59 mıllıard teńgeden asatyn múlik tárkilengeni málim boldy. Muny sot tóraǵasy Roman Selıkıı jarııalady. Tárkilengen tizimde:
- 510 mıllıon teńgege jetetin akııalar men aqsha;
- 530 mıllıon teńgeniń múlikteri;
- "Alma Telecommunication Kazakhstan" AQ akııasynyń 13 mıllıard teńgeden asatyn aqshasy;
- 3,4 mıllıard teńge turatyn ushaq;
- Máskeý qalasynan páter;
- "Mercedes Maybach", "Range Rover" sekildi avtokólikter;
- Kýrorttyq aımaqta ornalasqan kólemi 180 sharshy metrlik eki kotedj;
- Kólemi 2 458 sharshy metrlik úsh qabatty ákimshilik ǵımarat;
- Aýmaǵy 0,69 gektar jerde 693,3 sharshy metr bolatyn óndiristik baza jáne quny 10 mln teńgeden asatyn birneshe jer telimi bar.

Bularǵa qosa basqa da aıyptalýshylardan quny 4,5 mıllıard teńgeden asatyn múlik qaıtaryldy.

Atap aıtqanda, 1 158 853 746 (mıllıard bir júz elý segiz mln segiz júz elý úsh myń 746 teńge) teńge aqsha, 2 mıllıard teńgege baǵalanatyn páterler men úıler, "Mercedes", "Lexus", "Audi" sekildi bıznes sanattaǵy avtokólikter, Almaty, Nur-Sultan, Shymkent qalalarynan elıtalyq turǵyn úı keshenderi, altyn monetalar, 600 000 AQSh dollary turatyn fırmalyq saǵattar, 2,3 mıllıon AQSh dollary kólemindegi esepshottaǵy aqsha tárkilendi.

"Adyrna" ulttyq portaly

Pikirler