Qurmetti analar!
Eki jyl buryn úkimet kópbalaly analarǵa AÁK taǵaıyndaǵanda, "bul kómekten bas tartyńyzdar! Sizder úkimetten qaıyr-sadaqa suraýshy emessizder! Sizder demografııaǵa aýqymdy úles qosyp otyrǵan, memlekettiń eń qundy baılyǵy - Adam kapıtalyn kóbeıtip otyrǵan TULǴASYZDAR!.." dep edim...
Biraq Sizder "ASP, ASP" dep, ózderińizdiń kim ekendikterińizdi, balalaryńyzǵa rýh beretin, namysty urpaq ósiretin ANA degen asyl jan retinde óz rolderińizdi umyttyńyzdar.
Buǵan deıin birneshe ret aıtqanmyn, taǵy da qaıtalap aıtamyn:
AÁK - ASPdan BAS TARTYŃYZDAR!!!
Memleket balalarǵa "járdemaqy" dep qaıyr-sadaqa emes, "Ana men bala" kapıtaly qoryn qursyn!!!
Mektep jasynan balalardyń namysyna tıip, qurby-dostarynyń aldynda uıaltyp, kıim-keshek taratýyn toqtatsyn!!!
Jıen sińlim kópbalaly ana. Úsh balasy mektep jasynda. 7 synyptaǵy qyzyna mektepte kıim-keshek bergen eken, almaı qoıypty.
"Apaı, biz kedeı emespiz, kerek emes" depti.
Muǵalimi sińlime habarlasyp, jaǵdaıdy aıtyp, "ózińiz kelip alyp ketińiz" depti.
Qyzynan surasa, "mama, dostarymnyń kózinshe qaıyrshy qusap solar bergen kıimdi alam ba, pozor ǵoı!.. Kerek emes, siz de almańyz" dep, namystan jarylyp keterdeı býlyǵyp tur deıdi.
"Qyzym namystanyp almaı qoıǵan zatty men baryp alam ba? Qajet emes, óıtip bergenshe, bermeı-aq qoısynshy, qudaı ózimizge qýat bersin!.." dep otyr.
Kópbalaly analardyń arasynan mundaı áńgimelerdi jıi estip qalamyn...
Úkimet keıingi urpaqty arly, namysty, uıatty ǵyp ósirýdiń joldaryn emes, osyndaı ártúrli deńgeıde, ıtke súıek laqtyrǵandaı ǵyp qaıyr-sadaqa taratý arqyly balalardyń rýhyn óltirip, namyssyzdyq, alaqan jaıǵyshtyq psıhologııasyn qalyptastyryp otyr.
Aqyry memleketten bólinetin qarjy ǵoı, másele - sony qalaı berýde! Ádemi, mádenıetti uıymdastyrýǵa bolady ǵoı! Memleketiń de, óziń de, analar da, balalar da uıalmaıtyndaı, namysyna tımeıtindeı, halyqaralyq arenada óz abyroıyń, memleket abyroıy artatyndaı etip bólýdiń joldaryn tabýǵa bolady. Onyń birden-bir joly - qaıtalap aıtamyn, "Ana men Bala kapıtaly" memlekettik qoryn quryp, sol arqyly ár balaǵa jeke shot ashý. Ol shot balaǵa ǵana tıesili shot bolý kerek!!! Ákesi alyp, araq iship, sheshesi alyp, kirpik jalǵatyp júrmeıtindeı, ol aqsha tek balanyń qajetine ǵana jumsalýy tıis!
"Adyrna" ulttyq portaly
