Shymkent qalasy men Túrkistan oblysynda qolma-qol shetel valıýtasyna degen suranys tez ósýde, dep habarlaıdy «Adyrna» ulttyq portaly 365.info-ǵa silteme jasap.
Atap aıtsaq,qyrkúıek aıynda dollardy satyp alý-satý kólemi birneshe ese artqan. Bul jaǵdaı Shymkentti respýblıka boıynsha Almatydan keıingi ekinshi orynǵa shyǵardy (59,8 mlrd).
Respýblıkalyq mańyzy bar qalaǵa irgeles Túrkistan oblysy mamyr aıynda valıýtany satyp alý kórsetkishi boıynsha 11-shi orynda edi. Qyrkúıekte aıynda ol birden besinshi orynǵa kóterilgen. Jalpy satylym 7,7 mlrd-ty qurady.
Statıstıkalyq málimetterge súıenetin bolsaq, sońǵy bes aıda Shymkentte dollardyń taza satylymy 5,6 ese, Túrkistan oblysynda 2,3 esege ósken.
Aqsha qaıdan kelip jatyr?
Valıýta naryǵyndaǵy osyndaı aınalym dınamıkasy jıi bolyp turady. Bul ekonomıkada halyq tabysynyń ósýimen túsindiriledi. Alaıda resmı statıstıka Shymkent pen Túrkistan halqynyń áli kúnge deıin eldegi eń kedeı aımaqtyń biri ekenin kórsetedi. Máselen, úshinshi toqsanda búkil el boıynsha ortasha aılyq jalaqy 204,330 teńgeni qurasa, Shymkentte ol 155 006, al oblysta 148 636 teńge boldy.
Mamandardyń aıtýynsha, Shymkent (70 202 teńge) pen Túrkistan oblysy (52 650 teńge) birneshe jyl qatarynan tabysy eń tómen óńirler qataryna kiredi.
Eger nesıeler bolsa she?
Halyqta shetel valıýtasyn agressıvti satyp alýǵa jetkilikti qarajat bolmaǵandyqtan, banktik nesıeler retinde alynǵan aqsha shetel valıýtasyn satyp alý úshin jumsaldy dep boljaýǵa bolady.
Shynynda da, qyrkúıekte tutynýshylyq maqsattarǵa arnalǵan nesıelerdiń sany mamyr aıymen salystyrǵanda áldeqaıda ósken.
Biraq jalaqysy tómen halyq tutynýshylyq nesıelerdi dollar satyp alý úshin paıdalanýy ekitalaı.
Múmkin depozıtter?
Bul nusqa da kúmándi kórinedi. Qala turǵyndarynyń salym kólemi mamyr aıynan qyrkúıekke deıin 10,4%-ǵa ulǵaıǵan. Absolıýtti mánde ol 33,9 mıllıard teńgeni quraıdy. Al Túrkistan oblysynda kórsetkish 7,8% -ǵa ósti. Iaǵnı, depozıtten sońǵy bes aıda shetel valıýtasyn satyp alýǵa qarjy alynbaǵan.
Qoryta aıtsaq, kimniń qandaı qarajatpen shetel valıýtasyn satyp alǵany áli kúnge deıin jumbaq kúıinde qalyp otyr.
«Adyrna» ulttyq portaly
