Kınorejısser, jazýshy, senarıst Ermek TURSYNOVTYŃ osy jyly qazaqtyń salt-dástúrleriniń mánin ashatyn, tamyryn tanytyp, mádenı erekshelikterin aıqyndaıtyn qazaq jáne orys tilinde «Qarashańyraq» atty kitaby jaryq kórgen bolatyn. Avtordyń ózi bul týyndysy týraly «Qazaqstan» ulttyq arnasynda Nurtileý IMANǴALIULYNA bergen suhbatynda aıtyp berdi.
Jazýshy Ermek Tursynov kitapty jazýǵa belgili ǵalym, til mamany Telqoja JANUZAQOVTYŃ túrtki bolǵanyn aıtady: «Adam dúnıege kelgende, tárbıesi, dúnıege kózqarasy osy shańyraqtan bastalady. Meniń anamnyń inisi, naǵashy kókem bar, Telqoja Januzaqov degen. Úlken ǵulama. Meni shaqyryp alyp: «Osy sen jazyp júresiń ǵoı. Sońǵy kezderi baıqaımyn, qazaqylyqqa burylyp kele jatyrmyz. Sen osy kitapty bastap jazsańshy. Negizi bunyń bas mazmuny, bas taqyryby – qazaqtyń kóne zamannan kele jatqan dástúri, yrymdary. Biz onyń ber jaǵyn ǵana bilemiz de, onyń ar jaǵynda ne jatyr, maǵynasy, astary qandaı, nege biz ony ómirimizde saqtap kele jatyrmyz? Nege ol saqtalyp qaldy? Sen osyny zerttep kór», - degen. Óziniń qasynda júrgen dostary bar, solarmen tanystyryp, olar meniń keńesshilerim boldy. Osy kitaptyń jazylýyna kómektesti. Salt-dástúrdiń mazmunynda ne jatyr? Onyń negizi qandaı? Tereńdigi týraly tek qana orystanyp ketken qazaqtar ǵana emes, tipti, keıbir qazaqtardyń ózderi bile bermeıdi eken. Sonymen men tańqalyp eki jyldaı jazyp júrdim. Osy jaqynda bitirgen soń Dosym Sátpaev ekeýmiz birigip shyǵardyq. Ár otbasyǵa osy kitap kerek shyǵar dep endi ózim úmittenip júrmin», - dep kitaptyń mańyzyna toqtalady.
Indetke baılanysty kitaptyń tusaýkeseri ótpegenmen, oqyrman qaýymnyń qolyna tıip úlgerdi.
Foto ashyq derekkózden alyndy
«Adyrna» ulttyq portaly
