Qazaqstan halyq únine qulaq asatyn memleket pe?

2738
Adyrna.kz Telegram

Memleket basshysy Qasym-Jomart Toqaev óziniń 2019 jylǵy 2 qyrkúıektegi «Syndarly qoǵamdyq suhbat - Qazaqstannyń turaqtylyǵy men gúldenýiniń negizi» atty halyqqa Joldaýynda  «Estýshi memleket» tujyrymdamasyn iske asyryp,  azamattyq qoǵamdy nyǵaıtýǵa shaqyrdy.

«Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý – bárimizge ortaq mindet. Bılik pen qoǵam arasynda turaqty dıalog ornatý arqyly ǵana qazirgi geosaıası ahýalǵa beıimdelgen úılesimdi memleket qalyptastyrýǵa bolady»,-dedi ol.

«Estýshi memleket» tujyrymdamasy aıasynda qandaı sharalar júzege aspaq?

Eń birinshi tujyrymdamanyń eń basty qaǵıdatynyń mindetine toqtalyp ótelik.  Ol — memlekettik organdardyń ashyqtyǵy. Osy oraıda myna sharalar júzege asýy tıis:

Birinshi. Partııa qurylysy úderisin jalǵastyrý

Ekinshi. Halyqpen tıimdi keri baılanys ornatý 

Úshinshi. Mıtıngter týraly zańnamany jetildirý

Tórtinshi. Qoǵamdyq kelisimdi nyǵaıtý

Tujyrymdama qalaı iske asyp jatyr?

Ulttyq qoǵamdyq senim keńesiniń qurylýy – Prezıdenttiń eń mańyzdy bastamasynyń biri. Ol 2019 jyly 17 shildede quryldy. Negizgi maqsaty – jurtshylyqtyń, saıası partııalardyń, azamattyq qoǵamnyń ókilderimen keńinen talqylaý negizinde memlekettik saıasattyń ózekti máseleleri boıynsha usynystar men usynymdar tujyrymdaý.

Sondaı-aq, memleket basshysy Aqorda saıtynda Vırtýaldy qabyldaý ashqan bolatyn. Búginge deıin oǵan 9 myńǵa jýyq hat kelip túsken.

QR Parlamenti Senaty Tóraǵasynyń orynbasary Asqar ShÁKIROV óz málimdemesinde  «Prezıdenttiń eki Joldaýynyń arasynda osy baǵytta aıtarlyqtaı jumystar atqaryldy: saıası partııalar týraly; saılaý týraly; beıbit jınalystar týraly; Parlamenttiń qyzmeti týraly, onyń ishinde parlamenttik oppozıııanyń bolýyn kózdeıtin zańdar qabyldandy, jeke adamnyń quqyqtaryn qorǵaý salasyndaǵy zańnama jetildirilýde.

Memleket basshysy aıtqandaı, bul reformalardyń bastamasy ǵana»,-dedi.

Aǵymdaǵy jyldyń qazan aıynan bastap áleýmettik jelilerdegi medıa-portaldar men memlekettik baǵdarlamalardyń paraqtary iske qosyldy. Portaldarda keri baılanys ornatyldy jáne qazaqstandyqtar ózderin qyzyqtyrǵan barlyq máseleler boıynsha resýrstarda jarııalanǵan (onyń ishinde memlekettik organdarda jumys jasaıtyndarmen) mamandarmen baılanysa alady. Bul baılanys ádisi ortalyq jáne jergilikti atqarýshy memlekettik organdardyń «Estýshi memleket» tujyrymdamasyn iske asyrý sheńberinde azamattyq qoǵammen jumysynyń tıimdiligin arttyrýǵa arnalǵan.

Aqparat jáne qoǵamdyq damý mınıstri Aıda Balaevanyń aıtýynsha, barlyq mınıstrler, ákimder halyqqa da, jýrnalısterge de ashyq. Olardyń arnaıy bloktary bar, saıttary qyzmet etedi. Keıbir memlekettik organdardyń Telegram arnalary bar. Barlyq kelip túsken suraqtarǵa der kezinde jaýap qaıtarý máseleleri durys jolǵa qoıylǵan.

Sondaı-aq, astanada 2019 jyldyń tamyz aıynyń sońynda «Januıa» otbasy ınstıtýtyn qoldaý ortalyǵy ashyldy. Bul ortalyq qala turǵyndaryna «bir tereze» qaǵıdasy boıynsha 70-ten astam memlekettik qyzmet túrin kórsetedi. «Januıa» ortalyǵy ashylǵannan beri búginge deıin 26 myńnan astam qala turǵynyna kómek kórsetilgen.

Qazaqstan halyq únine qulaq asatyn memleket pe? «Adyrna»  tilshisi surap kórdi.

Aıda Asanqyzy, satýshy:

- «Estýshi memleket» tujyrymdamasy qarqyndy túrde júzege asyp jatyr. Kúni keshe Bilim jáne mınıstri bilim basqarmalary basshylarynyń jeke telefon nómirlerin jarııalaýynyń ózi úlken qadam boldy. Qazir qandaı da bir máselege tap bolsaq, birden jaýapty organdarǵa habarlasamyz. Ákimderimiz de halyqqa bir qadam jaqyndaı túskendeı.

Arman Tasqalı, stýdent:

- Shyny kerek, elimizdi tolyǵymen halyqty «estýshi memleket» qataryna jatqyza almaımyn. Áli de bolsyn sheshilmeı júrgen máselelerimiz barshylyq. Bılik aýyldyq jerlerdegi qarapaıym halyqtyń janaıqaıyna nazar aýdarsa deımin.

Jamal Shahaeva, zeınetker:

- Shymkent qalasynda  turamyn. Ákim orynbasarynyń jeke baılanys nómiri bar. Biraq áli habarlasyp kórmedim.

 

«Adyrna» ulttyq portaly

Pikirler