Seisenbı, 3- qaraşa künı Aqtöbe oblysynyŋ äkımı Oŋdasyn Orazalin “Ortalyq stadionda” bolyp, “Aqtöbe” FK oiynşylarymen kezdestı. 2020 jyly ötken futboldan QR-nyŋ Bırınşı ligasynda chempion atanǧan komanda oiynşylaryn jeŋısterımen qūttyqtady.
“ Özderıŋızge belgılı ötken jyly komanda üşın auyr boldy. Degenmen, futbol süier qauymnyŋ ystyq yqylasy men janküierlerdıŋ qoldauynyŋ erekşe ekenın eskere otyryp, atqaruşy organ retınde komandany saqtap qaluǧa bar küşımızdı saldyq. Qolymyzdan kelgenşe qarjylandyru, ūiymdastyru mäselelerın şeşuge at salystyq. Aldaǧy uaqytta köptegen jeŋıstermen quantatyn künder köp bolady dep senemın”,- dedı Oŋdasyn Orazalin.
Aimaq basşysy “Aqtöbe” komandasynyŋ oiynşylaryna chempiondyq medaldardy tabystady.
«Aqtöbe» FK basqarma töraǧasy Artur Smaǧūlov, bas jattyqtyruşynyŋ m.a Vladimir Zelenovskii oblys basşysyna körsetken qoldaulary üşın alǧys bıldırdı.
“Sızdıŋ qoldauyŋyzben komanda eŋsesın tık kötere bastady. Salyqtyq basqa da bereşekterden tügel qūtyldyq. Odan bölek “ Ortalyq stadion” komandanyŋ senımgerlık basqaruyna ötıp, oblystyq balalar men jasöspırımder mektebı jaŋartyldy. Sportqa qajettı qūraldarmen jabdyqtaldy”,- dedı Artur Smaǧūlov.
Būdan soŋ komanda kapitany oblys äkımıne futbolşylardyŋ qoly qoiylǧan dopty estelıkke syiǧa tartty. Aityp öteiık “ Aqtöbe” FK 60% jergılıktı oiynşylardan qūralǧan.
