Jenevada ornalasqan BUU Adam quqyǵy jónindegi keńesi Belarýs bıliginiń "adam quqyǵyn qorǵaý boıynsha atqarǵan isterin" quptady dep habarlaıdy «Adyrna» ulttyq portaly Azattyqqa silteme jasap.
2 qarashada Belarýs delegaııasy keńes múshelerine Belarýstaǵy adam quqyǵy boıynsha atqarylǵan sharýalar jaıly perıodıkalyq esebin tanystyrǵan. Keńeske múshe elderdiń barlyǵy bes jyl saıyn osyndaı esep berip otyrýǵa mindetti.
Talqylaý kezinde UN Watch úkimettik emes quqyq qorǵaý uıymy baıandama jasady. 1993 jyly qurylǵan uıym BUU sheshimderiniń Jarǵyǵa sáıkestigin, tıimdiligin tekseredi.
UN Watch málimetinshe, Adam quqyǵy jónindegi keńeske múshe 92 eldiń 51-i (55 paıyzy) Belarýstyń "adam quqyǵy salasynda jetken jetistikterin" qoldaǵan.
Lýkashenko rejıminiń áreketin qoldaǵandar arasynda repressıvti rejımderdi únemi demep, qoldap otyratyn 36 memleket bar. Buǵan qosa, 15 memleket Belarýs bıliginiń keıbir jetistikterine oń baǵa berýge bolady dep sanaǵan.
"Lýkashenko rejımi prezıdent saılaýynyń resmı qorytyndysymen kelispeıtin azamattardyń narazylyǵyn kúshpen basyp, kóshede áıelderdi uryp-soǵyp, oppozıııa jetekshilerin túrmege qamap, elden ketirýge májbúrlep otyrǵan shaqta BUU-nyń negizgi quqyq qorǵaý organy qanaýshylardy ótirik maqtaıtyn forýmǵa aınalmaýy tıis" dedi UN Watch táýelsiz quqyq qorǵaý uıymynyń atqarýshy dırektory Hılel Noıer.
Degenmen ol 41 memlekettiń qysqa sóılep shyǵý quqyǵyn paıdalanyp, Belarýstaǵy adam quqyǵy jaǵdaıyna shynaıy baǵa berýin quptady.
