Búgin Parlament Senatynyń jalpy otyrysynda depýtat Baýyrjan Qanıev Premer-mınıstr Asqar Mamınniń atyna saýal joldap, Aqtóbe oblysynda sapasyz jol jyl saıyn neshe adamnyń ólimine sebep bolǵanyn baıandady.
Depýtat aıtyp otyrǵan ýchastok «Nurly jol» baǵdarlamasynyń ekinshi kezeńindegi otyz jobanyń ishine kirgen. Baýyrjan Qanıev «Ortalyq-Batys» atty joba ishinde «Qandyaǵash-Shalqar-Yrǵyz» jolyna tezirek qarjy bólinýi kerek dep sanaıdy.
«Nurly jol» baǵdarlamasynyń 2020-2025 jyldarǵa arnalǵan ekinshi kezeńinde 30 jobany iske asyrý kózdelgen. Osyndaı iri jobalardyń biri - «Ortalyq-Batys» tas joly. Jalpy «Ortalyq-Batys» avtomobıl dálizi
Nur-Sultandy Aqmola, Qostanaı, Aqtóbe, Atyraý jáne Mańǵystaý oblystarymen baılanystyrady, osylaısha tórt qalalyq aglomeraııanyń ekeýin jáne Qazaqstan Úkimetiniń Óńirlerdi damytý baǵdarlamasynda kórsetilgen ekinshi deńgeıdegi eki qalany biriktiredi», - dep aqparat berdi depýtat.
Jalpy, «Nur-Sultan-Arqalyq-Torǵaı-Yrǵyz-Shalqar-Qandyaǵash» avtomobıl jolyndaǵy osy "Ortalyq-Batys" avtomobıl dáliziniń uzyndyǵy 1292 shaqyrym, onyń ishinde Aqtóbe oblysynyń aýmaǵynda 518 shaqyrymy jatyr.
«Qazirgi tańda,«Ortalyq-Batys» joba aıasynda problemalyq suraqtar týyndap otyr. Eń aldymen, qoldanystaǵy Respýblıkalyq mańyzy bar «Qandyaǵash-Shalqar-Yrǵyz» avtomobıldik joly qanaǵattanarlyqsyz jaǵdaıda tur. Sońǵy jyldary Aqtóbe oblysynyń avtomobıl joldarynyń nasharlyǵyna baılanysty jol-kólik oqıǵalary boıynsha oblys statıstıkasy kóńil kónshitpeıdi. Máselen, 2018 jyly 643 jol apaty oryn alyp, 95 adam qaza bolyp, 796 adam jaraqat aldy. Al 2019 jyly 870 jaǵdaıǵa deıin ósti, onda 110 adam qaza taýyp, 1173 adam jaraqat aldy», - deıdi depýtat.
Bul joldyń máselesi Memleket basshysy Qasym-Jomart Toqaev 2019 jyly 22 mamyrda Aqtóbe oblysynyń jurtshylyǵymen kezdesý kezinde de aıtylǵan. Prezıdent atalǵan ýchaskeniń strategııalyq mańyzdylyǵyn nazarǵa alyp, 2020-2025 jyldarǵa ázirlenip jatqan «Nurly jol» memlekettik ınfraqurylymdyq damý baǵdarlamasy sheńberinde «Qandyaǵash - Shalqar - Yrǵyz» joldaryn rekonstrýkııalaýdy qarjylandyrýdy qarastyrý týraly Úkimetke tapsyrma bergen bolatyn.
«Atalǵan ýchaske boıynsha jobalyq-smetalyq qujattama daıyn.Jobany iske asyrý Aqtóbe oblysy men Qazaqstan Respýblıkasynyń kólik áleýetin edáýir keńeıtýge, sondaı-aq avtokóliktiń neǵurlym qaýipsiz qozǵalysyn qamtamasyz etýge múmkindik beredi. Baıandalǵanǵa baılanysty, Memleket basshysynyń tapsyrmasyn oryndaý úshin Úkimet joǵaryda atalǵan jobanyń qarjylandyrý kózderin aıqyndaý jáne ony ýaqtyly aıaqtaý jóninde sharalar qabyldaýdy suraımyz», - deıdi depýtat.
«Adyrna» ulttyq portaly
