Ulttyq namys, uıat degen uǵymdar áli otarshyldyqtyń qatparynda uıyqtapjatyr senat depýtaty Parlament Senatynyń depýtaty Murat Baqtııaruly áleýmettik jelidegi belsendi depýtattardyń biri. Joǵary palatada mandat alyp otyrǵan Murat Baqtııaruly resmı paraqshasy arqyly taǵy da ózekti másele kóterip otyr, dep habarlaıdy “Adyrna”
Depýtat bul joly búkil zańymyzdyń aldymen resmı tilde jazylyp, keıin qazaq tiline aýdarylatynyn úlken synǵa teńep otyr. Sóz sońynda depýtat búkil zańymyzdy qazaq tilinde jazatyndaı zań qabyldamaıynsha, til týraly aıtyp kele jatqan úgit-nasıhattyń bári beker deıdi.
«Parlament - Konstıtýııa boıynsha bıliktiń úlken tarmaǵy, ıaǵnı zańdar qabyldaıtyn memlekettik organ. Ókinishke qaraı, osy kezge deıin elimizde tek eki zań ǵana memlekettik tilde, qalǵandardyń barlyǵy resmı tilde jazylǵan.
Álemdi bylaı qoıyp, burynǵy Keńester Odaǵy memleketteriniń ishinde kólemi japyraqtaı Baltyqmańy, Kavkaz, kórshi Orta Azııa elderi sońǵy otyz jyldan beri zańdaryn óz tilderinde jazyp, qajet bolsa orys tiline aýdarady. Biz resmı tilde jazamyz, sosyn qazaq tiline aýdaramyz. Aıtarǵa sóz joq. Ulttyq namys, uıat degen uǵymdar táýelsiz el bolǵanymyzǵa otyz jyldaı bolsa da otarshyldyq sananyń qatparynda áli uıyqtap jatyr», - dep jazady senator.
Depýtat zańdardy aldymen qazaq tilinde jazý kerek degen usynysty parlamenttiń buǵan deıingi depýtattary da, qazirgi depýtattary da « shyryldap» aıtady, biraq, másele «baıaǵy jartas bir jartas qalpynda» deıdi ol.
«Ulttyń — ULT ekenin aıqyndaıtyn eń negizgi belgisi - onyń tili. Oılanyp kóreıikshi, memlekettiń tili - sol qoǵamnyń barlyq salasynda tolyqqandy qoldanylmasa ony qandaı ultqa jatqyzamyz? Bir nárse aqıqat, bizdiń barlyq bılik tarmaqtary men zańdarymyz memlekettiń atyn ıemdengen ult tilinde sóıleıtindeı ZAŃ qabyldamaıynsha, shırek ǵasyrdan beri til týraly aıtylyp kele jatqan úgit- nasıhat jumysynyń nátıjesi mardymsyz bolyp qala beredi. Saıası sheshim qabyldaıtyn ýaqyt áldeqashan keldi», - deıdi senator.
«Adyrna» ulttyq portaly
