BQO-da 16 jastaǵy boıjetken úsh balany órtten qutqaryp qaldy,dep habarlaıdy «Adyrna» ulttyq portaly QR Tótenshe jaǵdaı mınıstrliginiń baspasóz qyzmetine silteme jasap.
Mınıstrliktiń resmı ókili Talǵat Ýálıdiń aıtýynsha, 2020 jylǵy 27 qazan kúni saǵat 02.12-de Batys Qazaqstan oblysy Jánibek aýdandyq órt sóndirý qyzmeti kezekshi-dıspetcherlik bóliminiń pýltine Jánibek aýyly, Sharafýdınova 5/2 kóshesinde jeke turǵyn úı janyp jatqany jóninde habar kelip túsken.
«Órt jumystaryn barlaý kezinde jalpy aýdany 25 sharshy metr quraıtyn eki páterli úı janyp jatqany anyqtalǵan. Oqıǵa ornynan 1983 jyly týylǵan úıdiń qojaıyny ýly gazǵa ýlaný belgilerimen aýrýhanaǵa jetkizilgen. Alaıda, ýly gazdyń ýlanǵan úı qojaıyny esin jımastan, aýrýhanada kóz jumdy.
Erekshe atap ótetin jaıt, órt-sóndirýshiler oqıǵa ornyna jetkenge deıin jeke turǵyn úıdiń terezesinen úı qojaıynynyń qyzy 2004 jyly týǵan jasóspirim ózinen kishi 2 sińilisi men 1 baýyryn terezeden ózi shyǵaryp alǵan»,-delingen habarlamada.
Órtsóndirýshiler eki páterli úıdiń ekinshi bóligin órtten saqtap qaldy. Aldyn ala boljam boıynsha, órt elektr jabdyǵyn paıdalaný kezindegi órt qaýipsizdigi erejesiniń saqtalmaǵandyǵynan shyqqan bolýy múmkin.
«Adyrna» ulttyq portaly
