Belarýs oppozıııasynyń jetekshisi Svetlana Tıhanovskaıa Aleksandr Lýkashenkony bılikten ketirýge baǵyttalǵan jalpyulttyq ereýil “endi ǵana bastaldy jáne barǵan saıyn aýqymy keńeıe beredi” dep málimdedi. 26 qazanda elde myńdaǵan jumysshy, stýdent, zeınetker oppozıııa sherýin qoldap, kóshege shyqqan dep habarlaıdy «Adyrna» ulttyq portaly Azattyqqa silteme jasap.
“Búgin batyldyq tanytyp, ereýilge shyqqan árbir belorýspen maqtanamyn” dedi Tıhanovskaıa Azat Eýropa/Azattyq tilshisine. Ol eldegi barlyq adam kóshedegi narazylyqqa qosylýy tıis dedi.
“Jalpyulttyq ereýilge qosyl. Bul rejımdi qulatýdyń jalǵyz joly jáne belorýs halqy, bárimiz, birigip, jańa ári erkin, qaýipsiz memleket quramyz” dedi kórshi Lıtvadan Belarýstegi jaqtastaryna Zoom arqyly shyqqan oppozıııa jetekshisi. Ol 9 tamyzda ótken prezıdent saılaýynan keıin bılik qysymymen kórshi memleketke ketýge májbúr bolǵan.
Ol "ereýil sátsiz bastaldy" degen rejım jaqtastarynyń sózin elemeı, belorýs halqyn quqyqtaryn talap etýge shaqyrdy.
Osyǵan deıin Tıhanovskaıa Aleksandr Lýkashenkoǵa ýltımatým qoıyp, 26 qazanǵa deıin bılikten bas tartyp, sasıaı tutqyndardy bosatýdy talap etken. Bılik talaptardy oryndamasa, elde jalpyulttyq ereýil bastalyp, joldar jabylady, memlekettik kásiporyn ónimderine boıkot jarııalanatyny aıtylǵan edi.
25 qazan jarym túnge deıin bılikten ketýi tıis degen oppozıııa talabyn qabyldaýdyń ornyna Lýkashenko 26 qazanda narazylardy baqylaıtyn arnaıy jasaq sanyn kóbeıtti. "Vesna" quqyq qorǵaý tobynyń málimetinshe, dúısenbi kúni Mınsk, Grodno, Brest, Lıda jáne ózge qalalarda 300-den astam adam ustalǵan.
