AQSh-tyń Qazaqstandaǵy elshisi Ýılıam Mozer Kazakh TV arnasyna bergen suhbatynda "Borat" fılminiń sıkveliniń shyǵýyna qatysty pikirin aıtty, dep habarlaıdy "Adyrna" ulttyq portaly Stan.kz aqparat agenttigine silteme jasap.
Elshi fılmniń birinshi bóligin tolyq kórmegenin, tek onyń úzindilerin kórgenin aıtty.
"Bul fılm ǵoı. Adamdar kınoǵa barady, ony kóredi jáne boldy", - dedi Borattyń ekinshi bólimi týraly Mozer.
Onyń aıtýynsha, AQSh-ta turatyn qazaqstandyqtar - eldiń naǵyz ókilderi.
"Adamdardyń el týraly túsinigi jáne oǵan barmaı-aq ol týraly ne oılaıtyny jeke baılanystardyń negizinde qalyptasady. AQSh-ta Qazaqstannyń talantty ókilderi kóp. Óz elin shynymen tanystyratyn adamdar fılmnen góri áldeqaıda uzaq este qalady", - dep tolyqtyrdy Mozer.
Eske sala keteıik, "Borat" komedııasynyń birinshi bólimi 2006 jyly jaryq kórdi. Onda avtor oıdan shyǵarylǵan keıipker - qazaqstandyq jýrnalıst Borat Saǵdıevtiń beınesin paıdalana otyryp, eshqashan baryp kórmegen el jaıly baıandaıdy. Fılm álemde aıtarlyqtaı rezonans týdyrdy, Qazaqstanda ol qatty synǵa ushyrady jáne kórsetýge tyıym salyndy.
Kartınanyń ekinshi bólimi "Borat: pornografııalyq maımyldyń vıe-premer Mıkael Penske jaqynda azaıǵan Qazaqstan halqynyń ıgiligi úshin bergen syıy" (Borat: Gift Of Pornographic Monkey To Vice Premiere Mikhael Pence To Make benefit Recently Diminished Nation of Kazakhstan) dep atalady.
Fılmniń premerasy Amazon Prime Video vıdeoservısinde 23 qazanda ótedi.
