Elimizde mektepterdi shtattyq rejımge aýystyrý máselesi qarastyrylyp jatyr. Bul týraly premer-mınıstr Asqar Mamın úkimet saıtynda jarııalanǵan májilis depýtattarynyń saýalyna bergen jaýabynda aıtty, dep habarlaıdy «Adyrna» ulttyq portaly.
«Memleket basshysynyń tapsyrmasy boıynsha qazirgi tańda salalyq memlekettik organdar dástúrli bilim berý formasyna oralý jáne kezeń-kezeńmen jeńildetý máselelerin pysyqtap jatyr»,-dep málimdedi Mamın.
Premer-mınıstr qashyqtan oqytýdy engizý elde oryn alǵan epıdemıologııalyq jaǵdaıǵa baılanysty ekenin atap ótti.
«DDU keltirgen málimetterge sáıkes, 12 jastan asqan balalar koronavırýstyń taralýynda belsendi ról atqarady. 2020 jyldyń 4 qazany boıynsha oqýshylar arasynda koronavırýstyq ınfekııanyń 136 jaǵdaıy tirkelgen bolatyn. Olardyń 51-i kezekshi synyptardyń oqýshylary bolsa, 85-i qashyqtan bilim alyp júrgender»,-dep sózin qorytyndylady ol.
Statıstıkalyq málimetterge súıenetin bolsaq, bıyl respýblıka boıynsha 3,4 mıllıon bala mektepke bardy. Qazirgi tańda olardyń 2 613 428-i qashyqtan bilim alýda.
«Adyrna» ulttyq portaly
