Reseı Prezıdentiniń baspasóz hatshysyDmıtrıı Peskov Reseıdiń Taýly Qarabahtaǵy qaqtyǵys boıynsha orys-túrik jáne orys-ázirbaıjan dıalogy orys-armıan dıalogy sekildi joǵary deńgeıde qalatynyn málimdedi.
«Reseı Prezıdenti Vladımır Pýtın Taýly Qarabahtaǵy qaqtyǵys bastalǵaly beri Armenııa premer-mınıstri Nıkol Pashınıanmen úsh ret sóılesti, al Túrkııa men Ázirbaıjan Prezıdentteri Taıyp Erdoǵan jáne Ilham Alıevpen nege áli sóılesken joq?» degen suraqqa: - Bul Prezıdentterdiń jumys kestesi men maqsatty túrde bolýyna baılanysty. Óz kezeginde bul Reseı tarapynyń syrtqy baılanystarynda qandaı da bir tapshylyqty sezinip otyrǵanyn bildirmeıdi» dedi Peskov.
Kreml ókili Reseıdiń Syrtqy ister mınıstriSergeı Lavrovtyń Ázirbaıjan men Túrkııadaǵy áriptesterimen únemi baılanysta ekenin atap ótti.«Sondyqtan Reseı-Túrik jáne Reseı-Ázirbaıjan dıalogy, Taýly Qarabahtaǵy qaqtyǵysy boıynsha orys-armıan dıalogy sııaqty joǵary deńgeıde jáne turaqty túrde júzege asyrylady», - dedi Peskov.
Aıta keteıik, ótken jeksenbide Armenııa úkimeti Adam quqyqtary boıynsha Eýropalyqsotqa (boljamǵa sáıkes Armenııa halqyna qarsy soǵys qımyldaryna qatysty) Túrkııaǵa qarsy ýaqytsha sharalar qabyldaýdy surady. Sondaı-aq, buǵan deıin Reseı Syrtqy ister mınıstrligi Sırııalyq jáne Lıvııalyq sodyrlardyń urys qımyldaryna qatysý úshin Taýly Qarabahtaǵy qaqtyǵys aımaǵyna aýysýyna baılanysty tereń alańdaýshylyq bildirgen edi. Óz kezeginde Franııa prezıdenti Emmanýel Makron da Túrkııanyń qatysýymen Sırııadan Taýly Karabahqa jıhadshyl toptardyń aýysqanyn jarııalaǵan bolatyn.
Dýman Amanjoluly
