"Otanyn satqan opasyz" general anyqtaldy

Äzerbaijan generalitetınde elıne satqyndyq jasady degen aiyppen ırı pogondy tūlǧa anyqtaldy. «Otanyn satqan opasyz» atanǧan Äzerbaijan Qaruly küşterı Bas ştabynyŋ bastyǧy, general-polkovnik Nadjmeddin Sadygov bolyp şyqty dep habarlaidy «Adyrna» ūlttyq portaly rast.kz saityna sılteme jasap. Sonymen general Sadygov qandai satqyndyq jasaǧan? Nadjmeddin Sadygov Reseidıŋ arnaiy qyzmet organdaryna jaldanǧan degen küdık bar. Ol Daǧystanda tūratyn, Mäskeude gül bazary bar biznesmen jienı arqyly Resei arnaiy qyzmet organdaryna jaldanǧan boluy mümkın. sonymen qatar tergeuşılerdıŋ  paiymynşa, Bas ştab bastyǧy Äzerbaijan armiiasyna qatysty ekı türlı ülken äskeri qylmys jasaǧan. Onyŋ bırınde Tauly Qarabaq aumaǧynda jasalǧaly tūrǧan soǧys qimyldarynyŋ josparyn tügel Resei barlau qyzmetıne jetkızıp bergenı aitylsa, ekınşısınde biylǧy şılde aiynda Armeniia jaqtan atylǧan oqtan qaza tapqan general Polad Gaşimovtyŋ ölımıne tıkelei qatysy bar dep körsetılgen. Bırden aita keteiık, general-polkovnikke qatysty alǧaşqy küdık pen dau-janjal osy şılde aiynda-aq köterılgen bolatyn. Bıraq armiia basşylyǧynyŋ özı sol kezde ony qorǧap qalǧan. Sol tūsta, 2020 jylǧy 22 şılde künı «1NEWS.az» portalynda osy taqyrypta «Piat lojnyh obvinenii, vydvinutyh protiv generala Sadykova» degen maqala şyǧyp, küdıktıŋ bärıne toitarys berılgendei äŋgıme qozǧaldy. «Jūrt auzynda «Sen dosyŋnyŋ kım ekenın ait, men sosyn saǧan özıŋnıŋ kım ekenıŋdı aityp beremın» degen söz bar. Būl maqal qazır Äzerbaijanda Qaruly küşter Bas ştabynyŋ bastyǧy, general Nadjmeddin Sadygovtyŋ jeke jäne ıskerlık qabıletterın qaralau maqsatynda jürıp jatqan nauqanǧa qoldanuǧa öte jaqsy keledı. Bız söz basynan barlyq «ı»-nıŋ üstıne noqat qoiamyz: bügıngı künı Nadjmeddin Sadygov – bırınşı kezekte jauynger general. Osymen bärı aitylyp tūr. Nükte!», – dep bastalady atalmyş material. Būdan ary «jauynger generaldyŋ» osy kezge deiın jürıp ötken joldary tügel baiandalyp şyǧyp, joǧaryda atalyp otyrǧan bes (!) aiyptaudy joqqa şyǧaruǧa äreket jasalady. «Öitkenı, qazır joǧary lauazymdy qyzmet atqaryp otyrǧan ol Äzerbaijan jaularynyŋ bärınıŋ közderıne şyqqan süiel siiaqty. Öitkenı, onyŋ özı men jauyngerlık erlıkterın tek Qarabaq soǧysynyŋ ardagerlerı men Äzerbaijan armiiasynyŋ jeke qūramy ǧana emes, sonymen bırge Äzerbaijanǧa eşqandai qatysy joq adamdar da bıledı. Olai bolatyny, Sadygovtyŋ maior kezınde-aq körsetken jeke batyldyǧy, şeşımtaldyǧy men prezidentke berılgendıgı jūrt auzynda aŋyz bolyp jür», – dep kösıltedı maqala būdan keiın. «Al sol alystaǧy 1979 jyly älı eşkımge esımı belgısız Nadjmeddin Sadygov özınıŋ daŋqty jolyn KSRO Qaruly küşterı qūramynda vzvod komandirı boludan bastap, būdan ärı rota, batalon komandirı jäne polk komandirınıŋ orynbasary degen joldardan öttı. Aita ketu kerek, jas leitenant Sadygov Baky joǧary jalpy äskeri komandalyq uchilişesın «altyn medalmen» bıtırgen kezde onyŋ bügıngı synşylary älı ömırge de kelgen joq edı!» bolyp örıledı kelesı joldar. Pa, şırkın söz bolǧanyŋa! Jūrtşylyq tarapynan jappai küdık taŋylǧan qairatkerdı aqtap aluǧa myna söilemderdıŋ qandai qatysy bar? Äskeri qyzmetın osylai bastaǧan ofiserlerdıŋ arasynan satqyn şyqpaidy dep kım aitty? Jä, olardyŋ bärı de tıptı qyzmet jolyn tap osylai bastamaityn ba edı?!Sol siiaqty ony synauşylardyŋ bertınde ömırge kelgenın alǧa tartudyŋ qanşalyqty qajettılıgı boldy? Mūnyŋ bärınıŋ dalbasa ekenın keiıngı oqiǧalar tanytty. Tek generalǧa taǧylǧan bes aiyptyŋ tuǧan ınısı Armeniia armiiasynda qyzmet etedı, sondyqtan sol jaqqa ärdaiym habar berıp tūrady degen tarmaq qana anyqtalmaǧan küiı qalypty. Eŋ qyzyqty jait, Nadjmeddin Gusein ogly Sadygov Äzerbaijannyŋ tumasy emes eken. Ol 1956 jyly 24 mamyrda Daǧystannyŋ Derbent qalasynda tuǧan. Derbentte äzerbaijandardyŋ köp tūratyny belgılı, sondyqtan onyŋ äzerbaijan ūltynan boluy da äbden kädık. Al Baky äskeri uchilişesın bıtırgennen keiın osy jaqta bırjola qalyp qoiǧan. Söitıp jürgende, täuelsızdık kelgen. Osylaişa ol egemen Äzerbaijannyŋ azamatyna ainalǧan. «Kavkazskii uzel» portalynda jazylǧandai, general-polkovniktıŋ tūlǧasyna küdık keltıru 14 şılde künı general-maior Polad Gaşimov, polkovnik İlgar Mirzoev, sondai-aq taǧy ekı maior, ekı praporşik jäne bır soldat Armeniiamen şekarada oqqa ūşqan kezde bastalǧan. Bıraq armiia basşylyǧynyŋ aqymaqtyǧy saldarynan ol qyspaqtan qūtylyp ketken. Qaita sodan keiın «halyq qaharmanyna» ainalyp şyǧa kelgen. Äzerbaijan armiiasynyŋ joǧarǧy qūramynda tyŋşy bar ekenın türık barlau qyzmetı öz arnalary boiynşa Resei barlau qyzmetıne şyǧu arqyly anyqtaǧan. Sodan keiın onyŋ naqty kım ekenın de tekserıp bılgen. Osy jait belgılı bolǧan boida Nadjmeddin Sadygov qamauǧa alyndy. Bıraq būl jaiynda eşqandai habar taratylǧan joq, osyndai oqiǧa bolǧany jaily aqpar jaiylyp ketkesın de onyŋ aty-jönı aitylmady. Generaldyŋ qyzmetten şettetılgenı jönındegı mälımet tek 1 qazan künı şyqty. Onda da resmi derekpen jetkızılgen joq. Mūny WarGonzo Telegram-arnasy taratty. Arnanyŋ jazuynşa, būdan bır ai būryn general Türkiiadan kelgen keŋesşılermen sözge kelıp qalypty. Sol jerde ol Äzerbaijan bilıgıne qatysty da bırqatar auyr syndar aitypty. «Eger bız armiiamyzdy türıkterge berıp qoisaq, onda äielderımızdı de nege qosa bere salmaimyz?» dese kerek ekı jaqtyŋ äskerilerı bas qosqan keŋeste. Qazır küdık taŋylyp, qūlyp astyna alynǧan generaldyŋ üstınen tergeu amaldary jürıp jatyr. Foto aşyq derekközden alyndy.