Öŋır basşysy Oŋdasyn Orazalinnıŋ töraǧalyǧymen ötken apparattyq jiynda jylytu mausymyna daiyndyqqa, sanitarlyq-epidemiologiialyq jaǧdaiǧa bailanysty sūraqtar qaraldy.
Jiynǧa oblys äkımınıŋ orynbasarlary, basqarma basşylary jäne Aqtöbe qalasy men audan äkımderı beinebailanys arqyly qatysty.
Oblys äkımınıŋ bırınşı orynbasary Nūrjauǧan Qalauov öŋırdegı epidemiologiialyq jaǧdaidyŋ tūraqty ekenın jetkızdı.
«Koronavirus ındetınıŋ jaŋa jaǧdailary anyqtalǧan joq. Nauqastardyŋ 98,3%-y auruhanadan şyqty. Tösek oryn jüktemesı 78%-dan 14,6%-ǧa deiın azaidy. 315 infeksiialyq kereuet daiyndaldy. Rezervte älı 3588 kereuet bar. Alty zerthanada 155 544 PSR testı, 21 653 ekspress-test alyndy»,- degen Nūrjauǧan Qalauov Qazaqstan şekarasyndaǧy ötkızu beketterınde koronavirus infeksiiasynyŋ aldyn alu şaralary aiasynda 6 qazannan bastap 440 kereuetı bar karantindık stasionarlardyŋ jūmys jasai bastaityndaryn aitty.
72 saǧat ışınde COVID-19-ǧa PSR arqyly test tapsyrǧandyǧy turaly anyqtamasy joq şet elden kelgen azamattar ekı täulıkke A.Dosjanova atyndaǧy jataqhanaǧa, Märtök audany Jaisaŋ auylyndaǧy kolledjge, Qarǧaly audany Älımbet auylyndaǧy internatqa jatqyzylatyn bolady.
Būǧan qosa öŋırde jaǧdaidyŋ boljamdy naşarlauyna daiyndyq küşeitıldı.
Stasionarlardaǧy kereuetter sany qajet bolǧan jaǧdaida 315-ten 3603-ke deiın, sonyŋ ışınde reanimasiialyq bölmelerdegı kereuettıer sany 401-ge artady.
Medisinalyq mekemelerdıŋ materialdyq-tehnikalyq bazasyn küşeitu, jabdyqtau şaralary qabyldandy.
1547 tösek orynnyŋ 93%-y ottegımen, üş stasionar ortalyqtandyrylǧan ottegımen qamtylǧan. Medisina mekemelerınde därı-därmekter men jeke qorǧanys zattarynyŋ ekı ailyq qory jasaqtaldy.
37 baqylau toby myŋnan asa zaŋ būzuşylyqty anyqtap, 633 adam jauapqa tartyldy, 79 mln teŋge aiyppūl salyndy.
Oblys äkımı şet elderden kelgen öŋır tūrǧyndaryna saqtanu şaralaryn saqtau, baqylau toptarynyŋ jūmystary turaly aqparattyq-tüsındıru jūmystaryn küşeitudı tapsyrdy.
Sondai-aq, jylytu mausymyna qatysty sūraq ta qaraldy.
Nūrjauǧan Qalauov barlyq avtonomdy qazandyqtardyŋ, injenerlık jüielerdıŋ, äleumettık nysandardyŋ jylytu mausymyna tolyqtai daiyn ekenderın baiandady.
Audandarda 397 bılım beru nysany, 204 densaulyq saqtau, 75 äleumettık nysan, 271 tūrǧyn üi jylumen jabdyqtalǧan. Aqtöbede mektepter 87,5%, balabaqşalar 86,7%, mektepke deiıngı mekemeler 64,7%, medisinalyq nysandar 62,9% jylumen qamtyldy. 427 köppäterlı üi ortalyqtandyrylǧan jyluǧa qosyldy. Biudjettık ūiymdar qatty otynmen tolyq qamtyldy.
Oŋdasyn Orazalin Aqtöbe qalasy men audan äkımderın osy sūraqty ünemı baqylauda ūstaudy, jylytu mausymy kezınde kommunaldyq jelılerdegı tehnologiialyq zaŋbūzuşylyqtardy joiu boiynşa jedel şaralar qabldaudy tapsyrdy.
Aqtöbe oblysy
