Shymkent qalasynda shalǵaı ornalasqan turǵyn alaptardaǵy 39 kóshege jaryq shamdar ornatylyp, tórt kósheniń jaryq júıelerine qaıta qurý jumystary júrgizildi. Al aldaǵy úsh jylda qaladaǵy 303 kósheni jaryqtandyrý josparlanyp otyr. Bul týraly energetıka jáne kommýnaldyq sharýashylyq basqarmasy habarlady.
Basqarma mamandarynyń málimetine súıensek, qaladaǵy Qursaı, Qazǵurt, Saýle shaǵyn aýdandaryndaǵy birqatar kósheler men Qaınarbulaq saıajaıynyń ortalyq kóshesine jaryqtandyrý baǵanalary qoıylýda eken.
Sondaı-aq, Lengir baǵytyndaǵy tas joldyń eski shamdary dıodty shamdarǵa aýystyrylyp, qosymsha jaryq júıesi ornatylǵan.
Sala mamandarynyń aıtýynsha, qala kóshelerin jaryqtandyrý boıynsha úsh jyldyq jospar jasalynǵan. Jospar tolyq iske asyrylǵan ýaqytta 100 paıyz energııa únemdeıtin LED shamdar qoıylyp, tozǵan tirekterdi tolyǵymen jańasyna aýystyryp, jaryqtandyrylatyn kóshelerdiń sany 181-den 484 kóshege ulǵaıady eken.
Sonymen qatar, shalǵaı eldi mekenderdegi kóshelerdi syrtqy jaryqtandyrýmen qamtamasyz etý jáne dıspetcherlik ortalyq qurý arqyly bir ortalyqtan basqarý kózdelip otyr.
Shymkent qalasy ákiminiń baspasóz qyzmeti
