Shymkent qalasynda 26 qyrkúıek kúni qalalyq onkologııalyq ortalyqta «Ashyq esik» kúni ótti. Onda elimizdiń úzdik onkolog dárigerleri qala turǵyndaryn qabyldy.
Qaterli isikti erte satysynda anyqtaý maqsatynda ótken sharaǵa Qazaq ulttyq onkologııa jáne radıologııa ǵylymı zerteý ınstıtýtynyń - dırektory, m.ǵ.d. Dılıara Qaıdarova, hımıoterapevt Oksana Shatkovskaıa, mammologııa ortalyǵynyń meńgerýshisi, m.ǵ.d. Alııa Abdrahmanova, gınekologııa bóliminiń meńgerýshisi, m.ǵ.k. Erlan Kýkýbasov sekildi bilikti mamandar qatysty.
Ortalyqqa dárigerler qabyldaýyna 100-ge tarta naýqas kelgen. Tekserý kezinde qaterli isikke kúmándi degen alty azamat anyqtaldy. Taǵy 60 tekserilýshide qaterli emes isik tabylsa, 33 naýqasta qaterli isik aldy sozylmaly aýrýlary bar ekeni belgili boldy.
Anyqtalǵan qaterli isikke kúmándi jáne qaterli emes isikti naýqastar qalalyq onkologııalyq ortalyqta em alatyn bolady. Al, sozylmaly qaterli isik aldy aýrýlary baıqalǵan naýqastarǵa keńes berilip, jergilikti ýchaskelik terapevterine em alýǵa jiberildi.
Medıına qyzmetkerleri ár azamattyń óz densaýlyǵyna jaýapkershilik qaraýy mańyzy zor ekenin aıtýda. Ásirese, osyndaı sharalarǵa qatysyp, ýaqtyly tekserýden ótip turǵan jón.
Jalpy profılaktıkalyq, skrınıngtik tekserýler turaqty túrde uıymdastyrylýda jáne 65 jastan asqan azamattardyń densaýlyǵy baqylaýǵa alynǵan. Bul — maqsatty ındıkatorlardy jaqsartyp, qaterli isikterdiń aldyn alýǵa jáne ólim sanyn azaıtýǵa múmkindik beredi. Búginde aq halattylar osy maqsatta aıanbaı eńbek etýde.
Shymkent qalasy ákiminiń baspasóz qyzmeti
