Búgin Túrkııa Respýblıkasynyń Qazaqstandaǵy tótenshe jáne ókiletti elshisi Ýfýk Ekıdjı, Túrkııanyń Almaty qalasyndaǵy bas konsýly Alı Ryza Akyndjy jáne qala ákimi Murat Áıtenov qurmetti konsýldyqtyń ǵımaratyn aralap, aldaǵy jumysymen tanysty. Sondaı-aq, bul sharaǵa «Ahyska» túrik etnomádenı ortalyǵy» qoǵamdyq birlestiginiń tóraǵasy, qurmetti konsýl Latıpsha Asanov, «Atameken» kásipkerler palatasy Shymkent fılıalynyń ókilderi men túrkııalyq bıznesmender de qatysty.
Kezdesý kezinde qala ákimi Murat Áıtenov pen túrkııalyq delegaııa músheleri konsýldyqtyń aldaǵy ýaqytta atqaratyn jumysy jaıly maǵlumat aldy.
Jańadan ashylǵaly otyrǵan konsýldyqtyń maqsaty — eki el týrızminiń damýyna yqpal etý, kásipkerlerge quqyqtyq keńes berý, bolashaq ınvestorlardy qaladaǵy ındýstrıaldy aımaqtardyń múmkindikterimen tanystyrý jáne olarǵa ónerkásip salalaryna qatysty tolyqqandy aqparat berý.
Ortalyqta ótken kezdesýde taraptar ekijaqty saýda-ekonomıkalyq jáne mádenı-gýmanıtarlyq yntymaqtastyqty damytý máselelerin talqylady.
—Mıllıonnan astam halqy bar Shymkenttiń damýynda sheteldik ınvestorlardy tartý aıryqsha mańyzǵa ıe. Osy oraıda túrkııalyq kásipkerler qalamyzda qurylys, medıına, toqyma ónerkásibi sııaqty salalarda ınvestıııalyq jobalardy tabysty júzege asyrýda. Biz osy baılanystardy odan ári nyǵaıta túsýge múddelimiz, — dedi Murat Dúısenbekuly.
Óz kezeginde Ýfýk Ekıdjı halqy tyǵyz ornalasqan, aýmaǵy keń, klımaty jaıly Shymkent bıznes-jobalardy júzege asyrýǵa taptyrmas qala ekenin aıtty.
—Qazaqstan men Túrkııa — ortaq tarıhy men mádenıeti bar memleketter. Qazaqstan qoǵamdyq kelisim men yntymaq-birlikti saqtaı bildi. Buǵan barlyq azamattar men etnostardyń teńdigin qamtamasyz etý arqyly qol jetkizdi. Eki el arasynda erekshe dostyq, baýyrlastyq qarym-qatynas qalyptasqan. Bizdiń Shymkent shaharyna kelýimizdiń negizgi sebebi — eki el arasyndaǵy baılanysty odan ári nyǵaıtý, — dedi Ýfýk Ekıdjı.
Kezdesýdiń sońynda qala ákimi shymkenttikter jyl saıyn Naýryzdy alǵashqy bolyp qarsy alatynyn aıtyp, mártebeli meımandardy keler jyly Ulystyń Uly kúnin Shymqalada qarsy alýǵa shaqyrdy.
Shymkent qalasy ákiminiń baspasóz qyzmeti
