Şymkent qalasynda jol qozǧalysy qauıpsızdıgın qamtamasyz etu maqsatynda Türkıstan köşesı ortaşa jöndeuden ötude.
Atap aitqanda, asfaltbeton jabynyn jäne irrigasiialyq aryqtardy auystyru, aiaqjoldardy jöndeu, velojoldar salu men jauyn-şaşyn suyn ötkızetın kärızder ornatu qarastyrylǧan. Bügıngı taŋda jūmys 75 prosentke oryndaldy.
Jol qūrylysynyŋ sapasyn tekseru maqsatynda Türkıstan köşesıne «Adaldyq alaŋy» jobalyq keŋsesı, «Jol aktivterınıŋ ūlttyq sapa ortalyǧy» men Şymkent qalasynyŋ jolauşylar kölıgı jäne avtomobil joldary basqarmasy bırlese otyryp zerdeleu jūmystaryn jürgızdı. Oǧan merdıger «AziiaKompleksStroi» JŞS-ı jäne tehnikalyq qadaǧalauşy «İnjener Stroi» JŞS-ınıŋ mamandary da qatysqan.
Zerdeleu barysynda mamandar joldyŋ jiek tastaryn, aiaqjol örnek tastaryn, asfaltbeton qabatyn tekserdı. Nätijesınde Türkıstan köşesınıŋ D.Qonaev daŋǧylynan Toqaev köşesıne deiıngı bölıgıne qoiylǧan jiektastardyŋ 10-15 prosentı berık ornatylmaǧany anyqtaldy.
Osyǧan bailanysty tapsyrys beruşı mekeme merdıgerge atalǧan kemşılıktı joiudy tapsyrdy. Qaita tekseru kezınde jiektastardyŋ berıktıgı talapqa sai bolmaǧan jaǧdaida merdıger mekemege ony auystyruǧa ūiǧarym berıledı.
Aita keteiık, zerdeleu kezınde aiaqjol örnek tastarynyŋ berıktıgı men asfaltbeton qabatynyŋ qalyŋdyǧy qoldanystaǧy qūrylys normalaryna jäne smetalyq qūjattamaǧa säikes keletını anyqtaldy.
Bas merdıger «AziiaKompleksStroi» JŞS-ı ortaşa jöndeu jūmystaryn qazan aiynda aiaqtaudy josparlap otyr.
Şymkent qalasy äkımınıŋ baspasöz qyzmetı
