Bul jóninde Shymkent qalasynyń ákimi Murat Áıtenovtiń M.Áýezov atyndaǵy OQÝ ujymymen kezdesýi kezinde belgili boldy.
Tehnıka ǵylymdarynyń kandıdaty, «Aýyl sharýashylyǵy óndirisin mehanıkalandyrý» ǵylymı-zertteý zerthanasynyń meńgerýshisi Berdııar Qalymbetov «Aqyldy aýyl sharýashylyǵy» konepııasyn daıyndap jatqanyn, jyl sońyna qaraı qala basshysynyń nazaryna usynatynyn aıtty.
«Sizdiń tapsyrmańyzben qala mańynda «Aqyldy aýyl sharýashylyǵy» dep atalatyn mekeme qurýdy usynamyn. Ol bizdiń ýnıversıtettiń ǵalymdary jasap shyǵarǵan eń jańa tehnologııalar men ıfrly mashınalardyń barlyq múmkindikterin biriktirýi tıis. Onyń quramynda «Aqyldy dala», «Aqyldy ferma», «Aqyldy jylyjaı» jáne «Aqyldy baý» degen bólimsheler bolady. Bunyń árbiri jeke-jeke joba. Biz barlyq 5 baǵyt boıynsha jumys istegimiz keledi. Jyl sońynda osy konepııany Sizge usynsaq, kórip, bekitip berýińizdi jáne qoldaý kórsetýińizdi suraımyz», - dedi ol.
Óz kezeginde qala ákimi bul jobalarǵa kásipkerlerdi tartý qajettigin jetkizdi. Iaǵnı, ǵylymı jańalyqtarǵa bıznes qaýymdastyqtyń nazaryn aýdaryp, birikken ınvestıııalyq jobalardy júzege asyrý kerektigin aıtty.
«Qalaǵa óte qajetti, mańyzdy jumysty bastap ketipsizder. Biz qoldaımyz. Aldaǵy ýaqytta taǵy da kezdesip, aqyldasý qajet»,- dedi qala ákimi.
Sondaı-aq, Berdııar Esbatyrulynyń aıtýynsha, bizdiń óńirde bir jyldyń 210 kúni jyly, shýaqty bolyp turady. Sony tıimdi paıdalanyp, kókónis sharýashylyǵynda 1 jylda 3 ret ónim jınaýǵa bolady eken. Ǵalymdar onyń da arnaıy tehnologııasyn jasap shyǵypty.
Aıta keteıik, Berdııar Qalymbetov jańa, jetilgen tehnıka men tehnologııalardy jasaýǵa qomaqty úles qosqan jáne «Qazaqstan Respýblıkasy ǵylymynyń damýyna sińirgen eńbegi úshin» medalimen marapattalǵan. Ol 7 ǵylymı joba men baǵdarlamanyń jetekshisi bolǵan. Búginde onyń tórteýi aıaqtalyp, nátıjesi óndiriske engizilgen.
Shymkent qalasy ákiminiń baspasóz qyzmeti
