Shymkent: qala ákimi jylytý maýsymyna daıyndyq barysymen tanysty

1244
Adyrna.kz Telegram

Búgin Shymkent qalasynyń ákimi Murat Áıtenov aldaǵy jylytý maýsymyna daıyndyq barysymen tanysty.

Qalada 1 896 kóp qabatty úı bar. Sonyń 90 proentten astamy jylytý maýsymyna daıyn. Qalǵan turǵyn úılerde qurylys-montaj jumystary júrýde.

Qala ákimi, aldymen, ákimshilik-iskerlik ortalyqtaǵy jylý qazandyǵyna bardy. 2015 jyly iske qosylǵan qazandyq 1124 sharshy metr aýmaqty alyp jatyr. Onda mol jylý bere alatyn BOSCH LOOS UT-HZ peshteri ornatylǵan. Mundaǵy otynnyń negizgi túri — tabıǵı gaz. Qazandyqtyń eń joǵarǵy qýattylyǵy — saǵatyna 163.5 Gkal. Ol kópqabatty 78 turǵyn úı men 8 ákimshilik ǵımaratqa jylý beredi.

Munan keıin qala ákimi shahardyń ońtústik bóligine jylý beretin «3-Energoortalyq» akıonerlik qoǵamyna qarasty qazandyqqa at basyn tiredi. Bul kompanııanyń ıeliginde 11,7 shaqyrym magıstraldy jylý qubyrlary bar. Qazir qazandyqta qurylys-montaj jumystary júrgizilip jatyr. Jylytý maýsymyna daıyndyq 1 qazanǵa deıin tolyqtaı aıaqtalady.

Sondaı-aq, qala ákimi Saıram turǵyn alabynda ornalasqan halyqty kómirmen qamatamasyz etetin bazanyń jumysymen de tanysty.

Jalpy, qalaǵa jylý 11 qazandyq pen 1 jylý-elektrstanııasynan beriledi. Aıta ketý kerek, qazir barlyq 11 qazandyq jóndeýden ótip, aldaǵy qysqa tas-túıin daıyn tur. Al, 17 sorǵy stanııasynyń 15-i (88%) daıyn. Qalǵan 2 stanııada jumys 25 qyrkúıekke deıin aıaqtalady.

Nysandardyń jumysymen tanysqan Murat Dúısenbekuly jaýapty azamattarǵa belgilengen merzimde turǵyndardy sapaly jylý energııasymen qamtamasyz etýdi tapsyrdy.

Qalada 479 bıýdjettik mekeme jumys istep tur. Onyń 271-i jeke qazandyqtarmen jylytylsa, 208-i ortalyqtandyrylǵan jylý júıesine qosylǵan.


Shymkent qalasy ákiminiń baspasóz qyzmeti

Pikirler