Atyraýda tońazytqyshqa tiri balany salý isi boıynsha sot proesinde perınataldyq ortalyqtyń tórtinshi jáne besinshi qabatynyń dálizinde ornatylǵan baqylaý kameralarynyń beınejazbalary zerttelip jatyr
Kezekti otyrysta 2019 jyly 29 qyrkúıekte túski saǵat bir men keshki on arasyndaǵy vıdeo qaraldy. Munyń aldynda aıyptalýshylardyń advokaty vıdeonyń ýaqyty ózgertilgen bolýy múmkin ekenin birneshe ret málimdegen edi, dep jazdy óńirlik Aq Jaıyq basylymy.
Buǵan deıin kýáger retinde jaýap bergen perınataldyq ortalyqtyń sanıtary Svetlana Kozlova sotqa qaıta shaqyrtyldy. Advokattardyń aıtýynsha, onyń buǵan deıin bergen jaýabynda qaıshylyqtar bar. Sondyqtan ordınator bólmesi, bosaný zaly, akýsherlik quraldar óńdeletin bólme jáne as úı ornalasqan 5-qabattaǵy beınejazbany qaraý barysynda qaıtadan jaýap alý kerek dep sanaǵan.
Sol kúni Kozlova as úıde jumys isteıdi. Onyń aıtýynsha, keshki saǵat 18.30-da akýsher Jámıla Qulbatyrova as úıge kirip, akýsherlik quraldar óńdeletin bólmedegi jańa týǵan nárestege qaraýdy suraǵan. Qulbatyrova shaqalaqty №1 bosaný palatasynan osy jerge alyp kelipti. Bólmege ekeýi birge kirgen kezde Kozlova tiri balany kóredi.
"Balaǵa qaradym da, onyń tiri ekenin aıttym. Nege ony jansaqtaý bólimine aparmaǵanyn suradym", - deıdi Kozlova.
Onyń aıtýynsha, bala esik jaqqa qarap jatqan, erni men qol-aıaǵy qımyldaıdy.
Vıdeodan bólmede akýsher Elvıra Nasıhatovanyń da bolǵany kórinedi. Kozlova oǵan nazar aýdarmaǵanyn, eki kózi balada bolǵanyn aıtty. Onyń sózinshe, Nasıhatova kabınette quraldardy tazalap turǵan.
Sot barysynda Qulbatyrova Kozlovadan "Saǵan balanyń tiri ekenin aıttym ba?" dep surady.
"Jámıla apa, siz as bólmege kelip, náresteni máıithanaǵa jibere almaıtynyńyzdy aıttyńyz. "Bala tiri me eken, qarashy" dedińiz. Men sol jerge baryp, balanyń tiri ekenin kórdim, nege reanımaııaǵa jiberilmegenin suradym. Siz balanyń júregi toqtap qalǵanyn, biraq mıy áli jumys istep turǵanyn aıttyńyz. Men úndegen joqpyn. Siz bólmeden Asqar Jánibekulyn (Asqar Qaıyrjan - sottalýshy, akýsher-gınekolog) alyp kelý úshin shyǵyp kettińiz. Balanyń jaıalyǵyn ustap kórip edim, ol jıyryldy. Shamamen on mınýttan keıin Asqar Jánibekuly keldi. Onyń artynda turyp, balanyń tiri ekenin aıttym. Asqar Jánibekuly esikti jap dedi, men japtym. Siz ózińiz de balanyń tiri ekenin kórdińiz ǵoı", - dep jaýap berdi Kozlova.
Al akýsher Qulbatyrova mundaı áńgime bolmaǵanyn, balanyń qımylsyz jatqanyn aıtty.
