Bárine "bilgen b...yn jegen" halyq kináli me?

2069

Pandemııa kezinde eldiń nazary erekshe aýǵan úsh mınıstrlik boldy. Biri - bilim, ekinshisi-eńbek, úshinshisi, árıne-densaýlyq mınıstriligi edi. Aldyńǵy ekeýin jurt belgili bir naýqan kezinde «eske alsa», sońǵysyn múmkin bolsa, kún saıyn nazarda ustaǵysy keldi.

Indetten qynadaı qyrylǵan halyqtyń Densaýlyq saqtaý mınıstrligin jiti baqylaýyna alýy zańdy da. Óıtkeni halyq saýlyǵynyń kilti- dárigerlerde. Ókinishke qaraı, osy mınıstrliktiń ár basqan qadamyna qaraǵan jurtty «haıp» qýǵandar dep sógý úrdisi tolastar emes.

Densaýlyq saqtaý mınıstrliginiń resmı ókili Baǵdat QOJAHMETOV te óz basshylarynyń súrleýine túsip, qazaq medıınasynyń qazirgi kúıin sóz etkenderdi «ózderin kórsetkisi keletinder» dep áleýmettik jelide jazba qaldyrdy. Tómende resmı ókildiń jazbasyn ózgerissiz jáne eshbir qatesin túzetýsiz nazarlaryńyzǵa usynyp otyrmyz.

"Atyń shyqpasa Mınzdravty órte”

«Eki aı boldy medıına salasyna kelgenime. Dárigerlermen birge júrip kórgenin birge kórip, sonyń nátıjesin kópshilikke jetkizip, degendeı.

Qoǵammen kópir ornatyp júrip túsingenim: óz-ózin qandaı jolmen bolsada kórsetetin adamdar kóbeıip ketipti elimizde. Solardyń keıbireýleri jaqsy bir ádis tapqan sekildi.

Bordıýrge, ákimge, qoınynda jatqan áıeline renjisede óshin aq halatty abzal jandardan alady. Olar asa meıirimdi jandar emes pa, bárine shydaıdy. Medsestrany qazaq bekerden MEIIRbıke demeıdi ǵoı. Kúndiz áleýmettik jelide onyń “betine túkirip, taban súrtip”, keshke jan qınalyp aýyrǵanda túk bolmaǵandaı yńqyldap sol dárigerge baryp emdeletinder bar. ARAMyzda. Meniń áriptesterim joq emes olardyń ishinde.

Jalpy bireýdi jamandap ataq shyǵaratyndar kóbeıip ketti. Búgingi kúnniń áleýmettik sánine (modasyna) aınalǵany - dárigerlerdi, aýyrýhanalardy, Denmındi “tepkileý”, jamandaý. Ózin ózi batyr kórsetip, atyn shyǵarǵysy keletinder, sol baıaǵy Mınzdravqa tısedi. Chellendj sııaqty. Jurttan qalamyz ba, dep.

Atam aıtýshy edi: - “bilgen boǵyn jesin”, dep. Biraq oıymda júrgenin jetkizgim keldi. Árıne, bir demde qoǵam ózgerip mádenıetimiz órbip ketpeıdi. Biraq ár adam istegenine, oıymen aıtqan sózderine bir kúni jaratýshynyń aldynda jaýap beredi. Oǵan kúmánim joq.

Sonymen qosa aıtaıyn degenim, emshilerdiń namysyn qorǵaıtyndar aramyzda az emes. Sonyda bilip júreıik, degenim ǵoı», -dep jazady Baǵdat Qojahmetov.

Densaýlyq mınıstrligi ne bitirdi?

Resmı ókildiń syn men jamandaýdy arasyn ajyrata almaýy kóptiń renishin týdyrdy. Osy jazbasynyń astynda aıtylǵan pikirdiń basym bóliginde Qojahmetovtiń aıtqandarymen kelispeıtinin bildirgender az emes.

«Dál qazirgi shaqta Densaýlyq mınıstrliginiń synǵa ushyrap qana qoımaı, sol synnan nátıje shyǵaratyn kezi edi. Alaıda resmı ókiliniń paıymy mynadaı bolsa, mıınstrlikten, jalpy dárigerlerden ne qaıyr kútýge bolady? Densaýlyq saqtaý mınıstrligi alysqa uzamaı-aq qoıaıyq, osy pandemııa kezinde aýyz toltyryp aıtarlyqtaı ne bitirdi?

Vırýs juqtyrǵandardy durys emes protokolmen emdegenin erlikke balaı ma? Joq, álde dárini qoımadan shyǵarmaı, halyqty paraetomol izdetip, sandaltqanyn jeńis dep sanaı ma? Múmkin, koronavırýspen kúreske dep bólingen mıllıardtardyń talan-tarajǵa túskenin jetistik deıtin shyǵar? Qaı jaqsy tusyn aıtaıyq, sony túsindirse eken ókilderi», -deıdi bizben áńgimesinde zeınetker Áýelhan ShONJAN.

«Dál qazirgi bizdiń medıına múshkil jaǵdaıǵa jetti. Bul shynaıy shyndyq. Ótteri jarylyp ketse de, dárigerler osyny moıyndaýy kerek. Aýyzdaryn arandaı ashyp, bıýdjetten beteri búlk etpeı mıllıardtap qarjy alady. Al bitirip jatqandary saýsaqpen sanarlyq qana. Muny tek halyq qana emes, depýtattar da ashyq aıtyp jatyr. Eger bul mınıstrlikke qatysty syn durys bolmasa, resmı ókil nege sol depýtattarǵa «haıp qýmashy» dep aıtpaıdy? Qıt etse, halyqty kinálap ábden úırendi bıliktegiler. Ózderinen bir min tappaıdy. Bularǵa salsań, pandemııaǵa da, karantınde úıde otyrǵanyna da, karantınde jumyssyz qalǵanyna da, vırýs juqtyryp aýyrǵanyna da, aýyryp jatqanda IVL apparatynyń bolmaǵanyna da, dári tappaǵanyna da, tunshyǵyp ólip, aram qatqanyna da halyq kináli», -dep kúıinedi Sapar AITMYRZA.

Mınıstrliktegi meńireý tynyshtyq

«DensaýMın men halyq arasyna kópir salyp júrgen Baǵdat Qojahmetovtyń postynan keıin haıp ustaǵym kep ketti.

Eki aı buryn, 17 shildede Densaý(?)Mınge resmı suranys joldadym, egovta. Elde qansha provızor ortalyǵy, kovıdten emdep jatqan qansha medmekeme bar, qaısy qaıda ornalasqan degen saýal ǵana edi sondaǵysy. Kovıdtiń shynaıy statıstıkasyn, densaýmınniń kovıdpen kúreske jumsap jatqan aqshasyn suraǵam joq. Bermeıtinin bilip turyp surap qaıtesiń.

Qazir sol suranystyń ketkenine eki aıdan asty. Al jaýap áli joq. Aqparatqa qol jetkizý týraly zańǵa sáıkes, ol suranysqa 15 kún ishinde jaýap berilýi kerek. Al jaýapty birneshe mekeme daıyndaıtyn bolsa - 30 kún ishinde. Otyz kúnniń ekeýinen asty. Al jaýap berý merzimin mınıstrliktiń ózi 30 shilde dep kórsetken. Zań buzylyp jatyr, soǵan nazar aýdarsańyzdar dep Memlekettik qyzmet isteri agenttigine saýal joldaım dep júrip ony da umytyppyn. Prokýratýra men Agenttiktiń pikirin bilý kerek boldy endi, suranys joldap. Vot ı haıpanýl. Qojahmetov ózi keshirsin!», dep jazady  Ǵalymjan ORAZYMBET:

 

P.S Bıylǵy naýryzdyń 16-sy kúni Almaty áýejaıyndaǵy jaǵdaı men 15 naýryzda (ıaǵnı, bir kún aldyn) ǵana kózimiz kórgen Túrkııadaǵy jaǵdaıdy salystyryp, jaǵa ustaǵanbyz. Bizdiń áýejaıda birneshe elden kelgen júzdegen jolaýshyny eki adam ǵana tirkeýden ótkizip otyrdy. Tirkeý kezegi jetkenshe, jolaýshylar tar bólmede bir birimen syǵylysyp, qamyrdaı ılendi. Mynadaı kórinisti kórse, koronavırýstyń ózi qorqyp qashardaı jaǵdaıda edi Qazaqstan.

Vırýstan saqtaný sharalaryna Qytaımen irgeles otyrǵan Qazaqstan daıyndyqty «tús qaıqanda» «nakone-to»  bastaǵany este. Al túrik aǵaıyndar naýryzdyń birinshi aptasynda-aq jedel saqtyq sharalaryn qolǵa alyp, antıseptık, betperde máselesin sheship tastady.

Pandemııa bastalǵaly Túrik Densaýlyq saqtaý mınıstri Fahretdın Qoja kúnine birneshe ret (!) áleýmettik jeliler men teleefırde indetke baılanysty árbir aqparatpen bólisip otyrady. Túrik medıınasyn bizdiń medıınamen salystyrý  artyq bolar. Áıtse de, Qazaqstanda tym quryǵanda, Densaýlyq mınıstrligi tarapynan osyndaı jyldam aqparat taratý áreketi boldy ma? Álde, bul sózimiz de, joǵaryda aıtylǵan pikirler de  «haıp» bolyp kete me?

Merýert HÝSAINOVA,

"Adyrna" ulttyq portaly. 

 

 

Foto ashyq derekkózden alyndy.

Pikirler
Redakııa tańdaýy