Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamaǵa qol qoıdy dep habarlaıdy «Adyrna» ulttyq portaly QR Syrtqy ister mınıstrligine silteme jasap.
Sol kúni ólim jazasyn joıý týraly halyqaralyq Hattamaǵa qosylý týraly sheshimdi Qazaqstan Prezıdenti Qasym-Jomart Toqaev BUU Bas Assambleıasynyń 75-shi mereıtoılyq sessııasynyń jalpy saıası pikirtalas barasynda sóılegen sózinde jarııalady. Ol Qazaqstan ómir súrý men adamı qadir-qasıetke negizdelgen quqyqty júzege asyrýǵa bekem ekenin atap ótti.
2019 jyldyń jeltoqsanynda Qazaqstan Prezıdenti eldegi saıası reformalardy júzege asyrý aıasynda Syrtqy ister mınıstrligine azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qosylý rásimin bastaýdy tapsyrdy.
Bul halyqaralyq qujatqa qol qoıý ólim jazasyn qoldaný aıasyn birtindep taryltý jáne qylmystyq zańnamany izgilendirý baǵytynyń jalǵasy bolyp tabylady. Qazaqstan Respýblıkasynda ólim jazasyn qoldaný QR Prezıdentiniń 2003 jyly tıisti moratorıı engizý týraly Jarlyǵymen tolyǵymen toqtatyldy.
«Adyrna» ulttyq portaly
