Depýtat Aıqyn Qońyrov qazaqstandyqtardyń nesıesin keshirý týraly bastama kóterdi. Sózinshe, úkimet salyq ýaqytyly tólep kelgen jeke jáne zańdy tulǵalar úshin keń kólemdi nesıelik amnıstııa jarııalaý qajet, dep habarlaıdy Stan.kz aqparat agenttigi.
"Shaǵyn jáne orta kásipkerlik óndirisiniń kólemi karantın ýaqytynda kúrt tómendedi: qoǵamdyq tamaqtaný 53%-ǵa, bólshek saýdasy 45%-ǵa, transport 37%-ǵa deıin kemidi. Bul mekemelerdiń bankrotqa ushyraýyna nemese jabylýyna, bankter men kásipkerler arasyndaǵy janjalǵa alyp kelýi múmkin. Elimizdegi karantın kezinde 4 mln 200 adam jumyssyz qaldy. Jumyssyzdyq deńgeıi 46%-ǵa artty. Bul bizdiń tarıhymyzda birinshi ret oryn alyp otyr. Qazirgi daǵdarys eldiń tek epıdemııalogııalyq jaǵdaıyna ǵana emes, eńbek naryǵyna da qatysty. Sondyqtan jedel túrde shara qoldanýymyz qajet", - dedi depýtat.
Buǵan qosa ol osy jyly halyqtyń qarjy uıymdaryna qaryzy artyp ketkenin alǵa tartty.
"Buǵan deıin turǵyndar nesıeni turmystyq tehnıka, qymbat kıim, otbasylyq merekelik is-sharalar úshin alsa, karantın kezinde olar osy qaryzdaryn jabý úshin taǵy da nesıe alýǵa májbúr boldy", - dep qosty Qońyrov.
Aıtýynsha, memleket kvazımekemeler men bankterge ǵana qoldaý bildirýde. Depýtat qazirgi tańda azamattar men shaǵyn jáne orta kásip ókilderine kómek qajet ekenin aıtady.
"Sol úshin Qazaqstanda karantınge deıin eńbek etip, barlyq salyqty óz ýaqytynda tólep júrgen jeke jáne zańdy tulǵalar úshin keń kólemdi nesıelik amnıstııa jarııalaýymyz qajet. Qazir keı azamattar bankterdiń qysymyna tótep bere almaı, qaltalaryńda kók tıynsyz qalyp qoıýy da ǵajap emes. Al buǵan aqshany ákimshilik-sharýashylyqqa aýdarylmaı qalǵan qarajat pen salyq júıesindegi is-áreketter oryndaý arqyly tabýǵa bolady", - deıdi depýtat.
