Búgin Májilistiń jalpy otyrysynda tóraǵa Nurlan Nyǵmatýlın fonogrammamen án aıtatyndarǵa qatysty pikir bildirdi dep habarlaıdy «Adyrna» ulttyq portaly Baq.kz saıtyna silteme jasap.
Onda «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» zańynyń jobasy talqyǵa salyndy. Zań jobasyn tanystyrǵan mádenıet jáne sport mınıstri Aqtoty Raıymqulova ánshi konertte fonogrammamen án aıtqanda kórermenge eskertýi kerek degen bolatyn. Osyǵan baılanysty Májilis tóraǵasy pikir bildirdi.
Menińshe, naǵyz óner, ol – aıtys. Aıtysqa fonogrammamen shyǵyp kórińizshi. Onda eshqashan, eshqandaı fonogramma bolmaıdy. Sol úshin shyǵar, halqymyz osy aıtysty jaqsy kóredi. "Qısyq arba jol buzady" dep halqymyz aıtqandaı, óner árqashan da taza bolýy kerek. Ándi jandy daýysta aıtqan durys. Al fonogramma bolsa, onda ony aldyn ala eskertý qajet jáne bılettiń baǵasy da soǵan sáıkes bolýy tıis. Odan keıin halyq ol konertke baratyn ne barmaıtynyn ózi sheshedi. Árıne, konert jandy daýysta bolsa, ánshige halyqtyń baǵasy da, qurmeti de joǵary bolady, - dedi Nurlan Nyǵmatýlın.
Mınıstrdiń aıtýynsha, ánshi bul talapty oryndamasa, zań aldynda jaýap berýi múmkin ekenin aıtty.
Mańyzdy normanyń biri - mýzykalyq týyndyny fonogrammamen oryndaǵan kezde ony aldyn ala habarlaý. Bul uıymdastyrýshy men oryndaýshynyń arasynda kelisimshart boıynsha retteledi. Eger kelisimshartta ol norma buzylsa, onda ákimshilik jaýapkershilik kózdeledi. Ózderińiz bilesizder, Qazaqstanda ákimshilik quqyq buzýshylyq kodeks bar. Osy kodekstiń normasyna sáıkes, ákimshilik quqyq buzýshylyq normasy qarastyrylady, - dedi Aqtoty Raıymqulova.
