Ótken aptada BI Group kompanııasy Shymkentte qalanyń soltústik bóliginde 500 myń sharshy metr aýmaqta zamanaýı ákimshilik-turǵyn úı oramnyń qurylys jobasyn usyndy.
Báıdibek bı dańǵylyndaǵy ıppodrom ornynda paıda bolatyn bolashaq keshen tujyrymdamasynyń tanystyrylymyna QR Premer-Mınıstriniń orynbasary Roman Sklıar, Shymkent qalasynyń ákimi Murat Áıtenov, kompanııa basshysy Aıdyn Rahymbev qatysty.
Shymkent qalasy ákiminiń orynbasary Baýyrjan Mamytalıev osy jobany iske asyrǵan jaǵdaıda qalanyń damý múmkindikteri týraly jan-jaqty túsindirip berdi.
– Bul óte úlken joba. Joba iske asyrylǵan jaǵdaıda, ondaǵy ınvestıııa kólemi 135 mıllıard teńge, salyqtyq jeńildikter shamamen 15 mıllıard teńgeni quraıdy. Qurylysqa jalpy 6000-ǵa jýyq adam tartylady. Al qurylys aıaqtalǵannan keıin áleýmettik jáne kommerııalyq nysandarda shamamen 2500 turaqty jumys orny ashylady. Mektepter, balabaqshalar, bilim berý ortalyqtary jáne taǵy basqa nysandardy salý kózdelip otyr, – dedi B.Mamytalıev.
Qala ákimdiginiń baspasóz qyzmeti habarlaǵandaı, BI Group ázirge tek óz tujyrymdamasyn usyndy. Barlyǵy egjeı-tegjeıli pysyqtalǵannan keıin, Shymkentte qoǵamdyq tyńdaýlar ótkiziledi.
– Egjeı-tegjeıli josparǵa qala ákimi qoǵamdyq tyńdaýlardyń oń nátıjelerinen keıin, ıaǵnı jobany kópshilik qoldasa ǵana qol qoıady. Eger azamattardyń kópshiligi jobany qabyldamasa, biz ony júzege asyrmaımyz. Biraq bul jobalar megapolıstiń uzaq merzimdi damýy aıasynda qolǵa alynatynyn tereńinen túsiný qajet.
Jalpy bul oramnyń kalany odan ári damytýda zor áleýeti bar. Bul oram Naýryz alańyn Shymkent City qalashyǵymen baılanystyrady jáne bul aýmaq odan ári tartymdy bola túsedi.
Ippodromdy kóshirý 2018 jyly, Shymkenttiń bas jospary ózektendirilip, qalaǵa respýblıkalyq mártebe berilgen kezde josparlanǵan edi. Sol kezde jańa ıppodromnyń qurylysyna shamamen eki mıllıard teńge qajet boldy. Eger jańa ákimshilik-turǵyn úı kesheniniń jobasy maquldansa, ıppodromdy BI Group óz qarajatyna salyp beredi, – dedi qala ákiminiń orynbasary.
Jalpy burynǵy ıppodromnyń jeri BI Group-qa tegin berilmeıdi. Jer Shymkent áleýmettik-kásipkerlik korporaııasynyń úlesine beriledi. Jáne ÁKK ony ınvestıııalyq joba retinde júzege asyrady.
Sondaı-aq, BI Group tujyrymdamasynda oram aýmaǵynda erekshe balalarǵa arnalǵan «Juldyz-aı» ońaltý ortalyǵyn salý qarastyrylyp otyr. Mundaı ortalyqtar ázirge Nur-Sultan men Almaty qalasynda ǵana bar.
Baýyrjan Jaımurzynulynyń aıtýynsha, osy ýaqytqa deıin birde-bir jeke kompanııa Shymkentke 135 mıllıard teńge ınvestıııa salmaǵan.
Qala ákimdigi qurylys jumystary dendrosaıabaq aýmaǵyna jaqyndamaıtynyn da málimdegen edi. Óıtkeni, ol erekshe qorǵalatyn aımaq. Biraq TMD-nyń mádenı astanasy jyly aıasynda salynǵan ýaqytsha qurylym etnoaýyl buzylady.
Shymkent qalasynyń Aqparattyq-kommýnıkaııalyq ortalyǵy
