Nūr-Sūltanda jylytu mausymyna daiyndyq jürgızılude. Elorda äkımı Altai Kölgınov jylu beru mausymy, kömır satu jäne gazdandyru boiynşa bırqatar tapsyrma berdı, dep habarlaidy adyrna.kz qalalyq äkımdıktıŋ baspasöz qyzmetıne sılteme jasap.
Atalǧan habarlamada: «Bırınşı. Äleumettık nysandar men tūrǧyn üilerdı jyluǧa uaqytynda qosu qajet. Qazırgı uaqytta tūrǧyn üilerdıŋ daiyndyǧy – 97%, bılım beru nysandary – 99%, densaulyq saqtau – 100%, elektrmen jabdyqtau jelılerınıŋ daiyndyǧy – 82%. Barlyq körsetkışterdı 100%-ǧa jetkızu kerek" delıngen.
Sonymen qatar jaŋa nysandardy jyluǧa qosu közderın anyqtau, quattylyqty tekseru qajet.
Ekınşı. Qalada kömır tasymaldaityn 7 kompaniia, türlı audandarda ornalasqan otyn satatyn 11 nükte bar. Kömırdıŋ ortaşa baǧasy, jetkızu qyzmetın qospaǧanda, sortyna bailanysty 12 myŋ teŋgenı qūraidy. Dürlıgıs tudyruǧa, jasandy kömır tapşylyǧyna jol bermeu kerek, öitkenı qoimalarda otyn qory jetkılıktı.
Tūrǧyndar kömırdı aldyn-ala satyp aluy qajet. Otynnyŋ baǧasy men mölşerı turaly tolyǧyraq aqparatty 109 jedel jelı nömırı arqyly bıluge bolady.
Üşınşı. Tūrǧyn alaptardyŋ tūrǧyndaryna gazǧa qosyluǧa tehnikalyq şarttar berudı jalǧastyru qajet.
Jeleznodorojnyi tūrǧyn alabynda 100%, Promyşlennyi men Köktal-2-de 95%, Köktal-1de – 80% gaz taratu jelılerı tartyldy. Būl jūmystar Oŋtüstık-Şyǧys, Agroqalaşyq tūrǧyn alaptarynda da jürgızılude. Aldaǧy jylu beru mausymynda osy tūrǧyn alaptar, sondai-aq Agroqalaşyq türǧyn alabynyŋ bır bölıgı üilerın gazben jylytady. Tūrǧyn alapta üilerdı gazben jabdyqtau jelılerıne qosudyŋ tegın tehnikalyq şarttaryn alu üşın front-ofister aşyldy. Sonymen qatar biyl JEO-1 jäne JEO-2 qazandyqtarynyŋ bır bölıgın gazǧa auystyrudy josparlap otyrmyz», – dedı elorda äkımı Altai Kölgınov.
Qysqy mausymda orta eseppen 500 myŋ tonna kömır jūmsalady, qazır qalaǧa jetkızılıp jatqan kömır mölşerı būl normadan asyp tüsedı. Erejege säikes, jylytu mausymy bes täulık boiy syrtqy auanyŋ ortaşa temperaturasy +10 °S jäne odan tömen bolǧan kezde bastalady.
Ūqsas jaŋalyqtar
