Koronavırýsqa qarsy qazaqstandyq vakına reseılik vakınaǵa qaraǵanda jaqsy nátıje kórsetti. Bul týraly Ashat Aımaǵambetov onlaın brıfıngte málimdedi dep habarlaıdy «Adyrna» ulttyq portaly liter.kz-ke silteme jasap.
«Elimizde 2020 jyldyń 23 naýryzynda vırýsqa shaldyqqan alǵashqy naýqastan patologııalyq materıal alynyp, zertteý jumysy birden bastaldy. 15 mamyrda bizdiń ǵalymdar DDU tizimine engizilgen kandıdattyq vakınany daıyndady. Klınıkaǵa deıingi synaqtar sátti ótti. Bizdiń vakına antıdeneler jaǵynan sheteldik analogtardan kem emes», - dedi mınıstr.
Qazir Qazaqstan klınıkalyq synaqtardyń birinshi jáne ekinshi fazalaryna kirisip, eriktilerdi izdeýde. Aldaǵy ýaqytta eki vakına synalatyn bolady. Densaýlyq saqtaý mınıstrliginiń málimdemesi boıynsha, otandyq vakına reseılik vakınaǵa qaraǵanda áldeqaıda qaýipsiz.
«Reseıde jasalǵan «Sputnik V» vakınasynyń belgili bir qarsy kórsetkishteri bar. Bul vakınany sozylmaly, juqpaly jáne respıratorly aýrýlarmen aýyratyn adamdarǵa salýǵa bolmaıdy. Sondaı-aq, onyń júkti áıelderge, bala emizetin kelinshekterge, 18 jasqa tolmaǵan jáne 60 jastan asqan adamdarǵa qarsy kórsetkishteri bar»,-dep habarlady Densaýlyq saqtaý mınıstrliginiń birinshi vıe-mınıstri Marat Shoranov.
Esterińizge sala keteıik, 2020 jyldyń tamyz aıynyń sońynda Premer-Mınıstrdiń orynbasary Roman Sklıar bastaǵan qazaqstandyq delegaııa Máskeýge baryp, Reseı shyǵarǵan vakınany satyp alý máselesin talqylaǵan edi. Sondaı-aq, delegaııa Reseıdiń tikeleı ınvestıııa qorymen "ózara túsinistik" kelisimine qol qoıyp qaıtty.
«Adyrna» ulttyq portaly
