Qytaıdan qashyp kelgen qos qandasymyz Murager ÁLIMULY men Qaster MUSAHANULYNYŃ qazan aıynda «Pana izdeýshi tulǵa» kýáliginiń merzimi aıaqtalady. Sodan keıin jaǵdaı qalaı bolmaq? Aldaǵy ýaqytta eki qandasymyz bosqyn mártebesin alýy múmkin be? Qazaqstanda qala ma? Osy suraqtar boıynsha «Adyrna» tilshisi eki azamattyń advokaty Lázzat Ahatovaǵa habarlasqan bolatyn.
– Bosqyn mártebesin ala alǵan joq dep kesip aıtatyndaı ol másele áli qaralǵan da joq qoı. Karantınge baılanysty ýaqytsha uzartyldy. Qyrkúıekte komıssııa músheleri jınalady, sonda qaraımyz dep aıtyp jiberdi. Óıtkeni sol kezeń vırýstyń qatty órship turǵan, ekiniń biri kovıdpen aýyryp, el basqa sharýanyń bárin tastap, janymen arpalysyp jatqan qıyn kezeń edi. Kúnine pálenbaı arystarymyz birinen soń, biri ketip jatqan qaıǵydan kóz ashpaǵan merzimge tap boldyq..Túrmeden 22-de bosasa, artynsha bes kúnnen keıin, kýálik merzimderi de aıaqtalyp jatty. Qujattary Óskemennen (ShQO kóshi-qon Departamentinen) Kókshetaýǵa (Aqmola obl. mıgraııaǵa) kelip te úlgermegen kezde bosqyndyq berile salmady dep ókpeleý - logıkaǵa da syımaıtyn nárse edi. Qytaıǵa qaıtaratyn nıetteri bolsa (memlekettiń), Saıragúlge otkaz bergendeı (oǵan úshinshi rette kýálik merzimin sozýǵa otkaz bergen) tórtinshi ret sozbas edi dep oılaımyn,- deıdi advokat Lázzat AHATOVA.
Bosqyn mártebesi berilmegen kúnde jaǵdaı qalaı bolady? Eki azamat deportaııalana ma degen máselege de Lázzat hanym jaýap berdi:
– Eldiń birazy “oıbaı, Evropaǵa ketpese bolmaıdy”- baıbalam salyp jatyr. Evropaǵa ketýdiń óz tártibi, zańdy proedýrasy bar ǵoı. Aldymen bul eki jigit Qazaqstannan bosqyndyq surady. Sol elde ol másele qaralyp, otkaz berilse ǵana, basqa elderden bosqyndyq surap, ol elderdiń biri qabyldasa ǵana kete alady. Sol sebepti bosqyndyq týraly aryz qaralyp, komıssııa sheshimi shyqpaıynsha, pálen-túgen dep bal ashý artyq. Ol aryzdary turǵylyqty meken-jaılary boıynsha Aqmola oblystyq kóshi-qon basqarmasynda arnaıy jasaqtalǵan komıssııamen qaralady. Al Qazaqstan bosqyndyq berýden bas tartsa, basqa elderden bosqyndyq suraý týraly hatty men sonaý qysta, is sotqa ketpeı jatyp, tergeý barysynda-aq BUU-na jiberip, jaýap alyp qoıǵanmyn. Ony feısbýkte jarııaladym da. Onda bul máseleniń aldymen Qazaqstanda qaralý kerektigin, ol el bosqyndyqty berýden bas tartsa ǵana, kómek bere alatyndyǵy aıtylǵan. Sol kezderde respýblıkalyq shekara qyzmeti basshysy Dilmanovtyń ekiushty suhbaty shyǵyp, kúdik kóbeıgen ýaqyt bolatyn. Men sol ýaqytta BUU-ǵa hat joldadym. Ony jigitter de, basqalar da jaqsy biledi. Endi ne sebepti búkil álem pandemııamen alysyp, jandarymen arpalysyp jatqanda, olaı baıbalam salyp jatqany, ol kisilerdiń túpki nıetteri maǵan jumbaq..
Foto Jas alash saıtynan alyndy
Aǵyn AIDYN,
«Adyrna» ulttyq portaly
