Elimizdiń túpkir-túpkirinde qarjylyq pıramıdalardyń bar ekeni jasyryn emes. Búginde «Indigo24» dep atalatyn kezekti qarjy pıramıdasy mıllıondaǵan salymshysyn taqyrǵa otyrǵyzyp ketti. Ol elimizde 3 jyl boıy jumys jasap, halyqtyń senimine kirgen-di.
Qazirgi tańda alaıaqtardyń arbaýyna túsken jurt aqshalaryn qaıtara almaı álek bop júr. Bul týraly zańger-medıator Aıjan KESEBAI aıtyp berdi.
Árbir úshinshi úı zardap shegip otyr
- Bul qarjylyq pıramıdaǵa óte kóp adam aldanǵan. Bizge Jetisaı, Saryaǵash, Shardara aýdandarynan ótinimder kelip tústi. Halyq 1 mıllıon 8 myń teńgeden 26 mıllıon teńgege deıin salym salǵan. Iaǵnı, ár úshinshi úı zardap shegip otyr.
Zańger-medıator retinde halyqtan kelgen ótinimderdi qabyldadyq. Keıbireýleri jekelengen zańgerlerge júginýde. Shardara aýdanynyń ózinen 200 shaǵym kelip tústi. Dese de, bul aldanǵandardyń bir bóligi ǵana. Shymkent qalasynan mınımým 4000-5000 adam qarjylyq pıramıdaǵa aqsha salǵan.
Sondaı-aq, «Indigo 24» qarjylyq pıramıdasyna kirýshiler artynan adam ákelýi tıis bolǵan.
- Búginde «Sen meni kirgizdiń ıa osyǵan aqsha salýǵa úgittediń» degen arazdyq aǵaıyndar men kóshbasshylar arasynda órship tur.
Pıramıdaǵa qarjy quıǵandardyń 90%-y muǵalimder
- Eń soraqysy, «Indigo24» qyzmetkerleri azamattardy bankterge jetelep júrip, nesıe alyp bergen. Tipti halyqty onlaın rejımde beriletin mıkrokredıtterdi alýǵa da kóndirgen. Aldanyp qalǵandardyń ishinde bir ózi 4-5 nesıe alyp, san soqqan jandar bar.
1-2 lıderdi túrmege qamaǵannan eshnárse ózgermeıdi
- Mıllıondaǵan adamdy aldap ketken uıym týraly derekterdi «Astana» halyqaralyq qarjy ortalyǵyna jibermekshimiz. Erteń 1-2 lıderdi túrmege qamaǵannan eshnárse ózgermeıdi. Sol sebepti Bas prokýratýra da bul máseleni kóterýi kerek. Qazirgi tańda osy isti túbegeıli zerttep, jumystar jasap jatyrmyz.
Qarjylyq saýattylyq deńgeıi óte tómen
- Búginde ańǵal, quqyqtyq saýatsyz halyq japa shegip, qaryzǵa belshesinen batyp otyr. Olarǵa eshqandaı zańdy qujattar berilmegen. Bul elimizdegi qarjylyq, quqyqtyq saýattylyq deńgeıiniń tómen ekenin kórsetip otyr.
Bul máselege belgili zańger Aıgúl ORYNBEK te óz pikirin bildirdi.
- «Bas Prokýratýra nazaryna! “Ulttyq arna jarnama jasady, «Nur Otan» alǵys hat bergen soń senip qaldyq”,-dep otyr halyq.Bul qarjylyq pıramıdanyń elimizde jumys jasaǵanyna úsh jyl bolǵan eken. Prezıdentimizdiń ózi alaıaqtarǵa qatań shara qoldanýdy tapsyrdy. Nege halyq áli shyryldap júr?»,- dedi ol Facebook paraqshasynda.
Qazirgi tańda halyqty aldaǵan alaıaqtar izdestirilip jatyr.
Dıana ASAN,
«Adyrna» ulttyq portaly
Басқалармен бөлісе отырыңыз
