Praımerızge óz kandıdatýrasyn usynǵan árbir janǵa alǵys aıtamyn! - B.Baıbek

2694
Adyrna.kz Telegram

Nur Otan partııasynyń praımerızine úmitkerlerdi tirkeý merzimi aıaqtalyp, qorytyndysy jarııalandy. Bul týraly «Nur Otan» partııasy Tóraǵasynyń birinshi orynbasary Baýyrjan Baıbek Facebook jelisindegi  paraqshasynda jazdy.

Qurmetti dostar! Osy demalys kúnderi «Nur Otan» praımerızine úmitkerlerdi tirkeýdiń qorytyndysy shyǵaryldy. Elbasy, partııa Lıderi N.Á. Nazarbaevtyń tapsyrmasy boıynsha partııaishilik saılaý tuńǵysh ret respýblıkalyq aýqymda ótip jatyr. Ol – partııany «qaıta jandandyrý» men jańǵyrtýdyń qorytyndy kezeńi bolyp otyr dep jazdy Baýyrjan Baıbek.

Sonymen, 17 – 28 tamyz aralyǵynda 10 990 adam tirkeldi. Olardyń 36,9% - áıelder, 29,6% – 35 jasqa deıingi jastar. Bastaýysh partııa uıymdarynan 3090 azamat usynylsa, al ózin-ózi usynýshylar – 7900 adam.

Qatysýshylardyń ortasha jasy – 43 jas.

Bir orynǵa úmitkerlerdiń eń kóbi Nur-Sultan qalasynda – 18. Almaty men Shymkentte – 9-dan, Jambyl jáne Túrkistan oblystarynda – 6 úmitkerden keledi. Shyǵys Qazaqstan oblysynda áıelder jáne Túrkistan oblysynda jastar erekshe belsendilik tanytqan.

7 qyrkúıekten bastap praımerızdiń kelesi kezeńi – úgit bastalady. 14 – 30 qyrkúıek aralyǵynda onlaın rejımde jarııa pikirsaıystar ótedi.



Elimizdiń Prezıdenti Q.K. Toqaevtyń "Halyq únine qulaq asatyn memleket» tujyrymdamasynyń aıasynda qyrkúıektiń basynda bizdiń óńirlik 216 saılaýaldy baǵdarlamamyzdyń jobalary jarııalanady. Olar halyqpen birge talqylanǵannan keıin jetildiriletin bolady. Osy oraıdy paıdalana otyryp, óz-ózine jáne partııamyzǵa senim artyp, praımerızge óz kandıdatýrasyn usynǵan árbir janǵa alǵys aıtqym keledi. Biz olardyń adal, ashyq jáne barsha qatysýshylarǵa berilgen teń múmkindiktermen baq synaýlaryna bar jaǵdaıdy jasaımyz", - deıdi Baýyrjan Baıbek.

 

Odan bólek, ol irikteýden ótpeı qalǵan, biraq kópshilik qoldaǵan úmitkerlerdiń jaıyn da aıtyp ótti.



Partııaishilik irikteýdiń jeńimpazdary Májilis pen barlyq deńgeıdegi máslıhattarǵa arnalǵan partııalyq tizimderimizge engiziletin bolady. Bul – 5,5 myńnan astam adam. Al irikteýden ótpegen, biraq eleýli qoldaýǵa ıe bolǵan azamattar partııanyń jańa kadrlyq rezervine enedi. Partııa Lıderi Nursultan Nazarbaev aıtqandaı, «elimizdegi máselelerdi birlesip sheshý úshin ashyq dıalogty qamtamasyz etý mańyzdy. Praımerız qatysýshylary jergilikti jerlerde ózekti máselelerdi ashyq kóterip, kemshilikterdi anyqtap, naqty sheshimder usynýy tıis», - dep túıdi sózin  Baýyrjan Baıbek.

"Adyrna" ulttyq portaly

Pikirler