Qyrkúıek aıy jaqyndaǵan saıyn ata-anadan da, ustazdardan da maza kete bastaǵandaı. Bıylǵy jańa oqý jyly qalaı bolmaq? Úıde otyryp bilim ala ma oqýshylar, álde mektepke baryp sabaǵyn oqı ma? Úıde otyrsa, ony kim oqytady, qalaı oqytady? Mektepke barsa, qaýipti vırýs qynadaı qyrmaı ma? Osyndaı suraqtar oqýshysy bar árkimdi de mazalaýda. Osyǵan oraı bir máselege qatysty birneshe pikirdi qatar berýdi jón sanadyq.
Názııa JOIaMERGEN, jýrnalıst: «Men balalarymdy mektepke jibermeımin! Indet áli basylǵan joq. Adamdar áli ólip jatyr. «Muǵalimder oqytsyn, úıde oqytpaımyz» dep júrgender - qandaı ata-ana? Nervisi jetpeıdi eken dep, basqalar balalarynyń basyn qaterge tigýi kerek pe? Keshe bir áıel: «Balam 1-synypqa barady, muǵalim úıretkeni durys qoı», - depti. Sonda árip tanytý, qosý-alýdy úıretýge jetpeıtin naǵylǵan júıke ol? Balalar dıstanııa saqtamaıdy, qol jýmaıdy, antıseptıkti paıdalanbaıdy, gıgıenany da saqtamaıdy. Óıtkeni olar - BALA. Olardy kóz aldyńda ustaǵan qaýipsiz ǵoı. Mektepten juqtyryp kelip, úıdegi úlkenderdi aýyrtýy múmkin. Koronavırýstyń syryn áli eshkim bilmeıdi. Bir ret aýyrǵan adam birneshe ret aýyrýy múmkin dep jatyr. Kúni keshe ǵana Facebook beti kóńil aıtýǵa tolyp ketti. Ólim-jitim kóbeıdi. Nege? Óıtkeni indet - óte qaýipti. Saqtaný kerek. QR Bilim mınıstrliginiń mektepter men JOO-larda jyl sońyna deıin qashyqtan oqytýǵa qatysty sheshimin qoldaımyn. Mınıstrlik balalardyń ǵana emes, ata-analar men muǵalimderdiń taǵdyryna alańdaǵandyqtan osyndaı qadamǵa baryp otyr. Eger aýyldarda Internet joq bolsa, oǵan Bilim mınıstrligi kináli emes!
Nurdáýlet NURÁDIL: «Qurmetti mınıstr myrza, qoǵamnyń belsendi músheleri!
1-synypty «onlaın oqytý» degen baryp turǵan absýrd! Ata-ana bolyp balam birinshi synyp tabaldyryǵyn attaıdy dep qýanyp júr edim. Sóıtsem, synypta 40 baladan oqıdy eken, oǵan da kóndim. Endi «Onlaın oqý» degenine múldem kelise almaımyn!
Áripti taıaq dep tanymaıtyn balaǵa onlaın ne úıretýge bolady? Synypta otyryp muǵalim tálimin almasa balanyń túp tamyryna, bilim qazyǵyna balta shabý emeı, nemene?!
Bizdegi áleýmettik jaǵdaı ár túrli ekenin eskerý kerekpiz. Eger bulaı jasaıtyn bolsaq, úıinde 3-4 balasy bar adamdar men jumys isteıtin ata- ananyń balalary múldem saýatsyz bolyp shyǵady. Qansha jerden tártip jarǵysyn jazyp áýre bolǵandaryńyzben bireýdiń úıine ony ornata da, tolyq oryndata da almaısyzdar.
Eger onlaın qaldyrsańyzdar, biz ata-analar balalarymyzdy jasyryn toptarǵa, aqyly mektepterge berýge májbúr bolamyz. Sizder oǵan esh qarsylyq kórsete almaısyzdar. Ondaı kezde karantın jaıynda qalary anyq.
Men barlyq karantın sharalaryn tolyq ári qatań saqtaı otyryp BRINShI SYNYPTARDY AShÝDY SURAIMYN.
P.s. Mynaý biz baratyn mekteptiń jadnamasy. Kóp balasy bar úıde bul talapty saqtaý qıyn dep oılaımyn».
Aıgúl KÁDIRBEK, muǵalim (aty jóni óz suraýymen ózgertilip alyndy): «Ata- analardyń ýaıymy oryndy. Eki jaǵdaıda da balasynyń erteńine alańdaýly ata-ananyń únin estısiz. Alaıda bul jerde úshinshi bir másele bar. Ol balanyń sapaly bilimi der edim. Mynadaı jaǵdaıda sapaly bilim týraly oılaý múmkin emes. Onlaın oqytý týraly kýrstar oqytylyp bastaldy muǵalimderge. Shynymdy aıtaıyn ba? Bári dalbasa! Kýrsty úsh kún oqydyq. Oqytýshylar ózderi túsinetin shyǵar ne aıtyp otyrǵanyn, al jeke ózim túk te túsinbedim. Qazirgi zaman tehnıkasynyń tilin bir kisideı biletin, kompıýterdiń birneshe baǵdarlamasynda erkin jumys isteıtin men álgi kýrstan eshteńe túsinbedim. Al tehnıka tilin bilmeıtin muǵalimder she, olar qaıtedi? Saıyp kelgende, búkil muǵalimge «kýrstan ótti» degen sertıfıkat beriledi, is bitti, esepke mór basyldy. Aldaǵy oqý jyly saýatsyzdardyń sanyn eselep kóbeıtip, el erteńine balta shabýǵa jol ashatyn jyl dep qorqamyn. Shyndap kelgende, bárimiz kóktemdegi sııaqty vatsappen tapsyrma berip, sabaq oqytqan bolamyz, boldy. Mektepke baryp, kezekshi synypta oqıdy degen de bos sóz. Nege deseńiz, bir synypqa birneshe ret ýaqytqa bólip sabaq ótken muǵalim temirden jaralmaǵan ǵoı. Súrlige sharshaıdy. Al sharshaǵan adamnan qandaı sapaly bilim talap etesiz? Qoryta aıtqanda, onsyz da qojyraǵan bilim salasy aldaǵy ýaqytta adam aıaıtyn jaǵdaıǵa jetetin boldy».
Osy máselege baılanysty birneshe oqýshyny da sózge tartyp kórdik. «Sabaqty qalaı oqımyz? Endi ne bolar eken? Onlaın oqyǵanymyz durys nemese mektepke barǵanymyz durys edi» degen syńaıdaǵy jaýaptyń birin kútken úmitimiz aqtalmady. Ókinishke qaraı, sondaı oqýshylar jolyqty ma, áıteýir bir sóılesken jeti oqýshynyń jeteýi de jańa oqý jyly úshin eshqandaı alańdaýshylyq bildire qoımady. «Kóktemdegideı ótirik sabaq oqımyz, kanıkýlymyz taǵy da jalǵasatyn sııaqty ǵoı» desip, oqýshylarymyz ishki qýanyshtaryn jasyrmady da. «Ótirik sabaq» degenderine qaraǵanda, úlkenderdiń bitpeıtin «ótirigine» oqýshylardyń da etteri óle bastaǵan-aý, shamasy.
Merýert HÝSAINOVA,
«Adyrna» ulttyq portaly.
