Nazarbaev: partııa qazaqstandyqtardy biriktirýi tıis

2520
Adyrna.kz Telegram

Elbasy Nursultan Nazarbaev Nur Otan partııasy saıası keńesi bıýrosynyń otyrysyn ótkizdi. Bul týraly "Adyrna" tilshisi Sputnik Qazaqstan-ǵa silteem jasap habarlaıdy.

Qatysýshylar partııanyń "Senim. Dıalog. Bolashaqqa nyq qadam - Nur Otan partııasynyń 7 serpini" baǵdarlamasy men partııa ishindegi saılaý ótkizý máselesin talqylady.

Nazarbaev qoǵam partııanyń praımerızine qyzyǵýshylyq tanytyp otyrǵanyn atap ótti.

"Adamdar eldiń qoǵamdyq jáne saıası ómirine belsendirek aralasqysy keledi. Biz partııany jandandyrýdyń durys baǵytyn tańdadyq. Eldegi máselelerdi birlese sheshý úshin ashyq dıalog qamtamasyz etý kerek. Jaǵdaıdy jaqsy biletin, qoǵam qoldaýyna ıe bedeldi, belsendi lıderlerdi tańdaý kerek", - Nur Otan partııasynyń tóraǵasy Nursultan Nazarbaev.

Ol praımerızge qatysýshylar mańyzdy máselelerdi qozǵap, olqylyqtardy anyqtap, olardy sheshý jolyn usynýy tıis ekenin aıtty.

Qyrkúıek aıynda 216 jergilikti baǵdarlama jarııalanyp, talqylanatyn bolady.

"Bes jylǵa arnalǵan baǵdarlama azamattardyń pikiri, ár aýdan, qala men oblystyń bıýdjetin eskere otyra tolyqtyrylady", - dedi Elbasy.

Ol kelesi kezeńderdi júzege asyrýda partııaǵa irikteýdi uıymdastyrý jumysynyń sapaly bolýy mańyzdy ekenin jetkizdi.

"Praımerızdi ashyq, ádil uıymdastyryp, barsha qatysýshylar úshin birdeı jaǵdaı jasaý kerek. Partııadaǵy úgit jumysy qyrkúıekte bastalady. Densaýlyq saqtaý mınıstrliginiń talaptary qatań saqtalýy tıis. Biz úshin bastysy - adamdardyń densaýlyǵy", - dedi Elbasy.

Partııa tóraǵasy Nur Otan-nyń qoǵamdy biriktirý jáne eldiń aldaǵy damýyn qamtamasyz etýdegi róline toqtaldy.

"Partııa qazaqstandyqtardy biriktirýi tıis. Birlik bolsa ǵana, qıyndyqtardy eńsere alamyz. Ásirese, eldegi turaqtylyq pen tynyshtyqty saqtaý úshin birlese jumys isteý mańyzdy",- dedi Nazarbaev.

Ol partııa tóraǵasynyń orynbasary Baýyrjan Baıbek pen premer-mınıstr Asqar Mamınniń esebin tyńdady.

"Adyrna" ulttyq portaly

 

Pikirler