Italııada shaǵyn keme órtenip, keıin sýǵa batyp ketti. Kemedegi jolaýshylardyń ishinde qazaqstandyq týrıster de bolǵan. Bul týraly "Adyrna" Euronews-ke silteme jasap habarlaıdy.
Lady MM dep atalatyn keme Kaprı aralynan Sardınııa aralyna bara jatqan. Onyń órtenip, sýǵa batyp bara jatqan sátin jaǵalaý kúzeti vıdeoǵa túsirip alǵan. Shaǵyn kemeniń bortynda 17 adam bolǵan. Onyń segizi - qazaqstandyq týrıster bolsa, qalǵan 9-y — ekıpaj múshesi ekendigi anyqtalǵan. Olar shaǵyn qaıyqqa otyryp, qaýipsiz jerge shyqqan. Barlyq adamdy jaǵalaý kúzeti qutqaryp alǵan. Órttiń neden shyqqany belgiziz.
"Adyrna" ulttyq portaly