Byltyrǧy jyldyŋ qazan aiynda Qaster Mūsahan men Mūrager Älımūly esımdı azamattar Qytaidan qaşyp Qazaqstan şekarasyna ötken bolatyn. Alaida, bır jylǧa juyq uaqyt ötse de ekı qandasymyzdyŋ mäselesı bırjaqty şeşımın tapqan joq.
Biylǧy jyldyŋ qazanynda ekı azamattyŋ «Pana ızdeuşı tūlǧa» kuälıgınıŋ merzımı aiaqtalady. Osyǧan orai, olar advokat Bauyrjan AZANOVTAN kömek sūrap, arnaiy mälımdeme jasady.
-Byltyrǧy jyldyŋ 14 qazanynda osy ıske kırıskenmın. Tergeu amaldary bastalmas būryn men qylmystyq ıstı qysqartyŋdar dep bırneşe ret aittym. Al būl öz kezegınde ekı azamattyŋ bosqyn märtebesın aluyna septıgın tigızetın edı. Men olarmen alǧaşqy kezdesken künnen şekarany jaidan-jai kesıp ötpegenderıŋdı, bastaryŋa töngen qauıptı aityŋdar deuden jalyqpadym. Alaida, olar sotta «kınälımız» (zaŋdyq tūrǧydan), «şekarany būzyp öttık» dedı. Bastaryna töngen qauıp-qater turaly tıs jarmady. Qylmystyq ıs qysqartylsyn degen söz sotqa qatysuşylardyŋ auzynan şyqpaǧan. Şekarany būzyp ötu degenımız Qazaqstannyŋ zaŋnamasy boiynşa qylmys bolyp tabylady. Iаǧni, qylmysker dep tanyldy. Sot ükımı küşıne enetın 15 kün ışınde appeliasiialyq şaǧym da jazylmaǧan. Būl – sot ükımımen kelıskennıŋ belgısı. Jaǧdaidyŋ uşyǧuyna basty sebep – osy,- deidı Pavlodar advokattar alqasynyŋ müşesı Bauyrjan AZANOV.«Pana ızdeuşı kuälıgınıŋ» merzımı aiaqtalǧan soŋ jaǧdai qalai bolmaq degen saualymyzǧa Bauyrjan AZANOV bylai dedı:
-Būl ekı azamat bosqyn märtebesın alǧan joq. Menıŋ maqsatym qylmystyq ıstı qysqartyp, bosqyn märtebesın alyp beru bolatyn. Maǧan ony ısteuge mümkınşılık bermedı. Menıŋ oiymşa, kuälık merzımı aiaqtalǧannan keiın deportasiialau qaupı öte joǧary. Iаǧni, Qazaqstanda qaldyrmaidy. Ne Qytaiǧa kerı qaitaryluy mümkın nemese saiasi baspana beruşı el bolsa sol jaqqa jöneltıledı.Jaǧdai qalai örbıp jatyr degen mäsele boiynşa kınälı dep tabylǧan Mūrager ÄLIMŪLYNYŊ özımen habarlasyp körgen edık.
– Bız qazırgı taŋda eşqandai advokattan bas tartqan joqpyz. Bır jaǧynan qarjy mäselesı de qiynşylyq tudyryp tūr. Tegın qol ūşyn sozamyz degen kez kelgen qorǧauşynyŋ kömegıne jügınuge äzırmız. Jaǧdaidyŋ qazan aiynan keiın qalai örbuı naqty emes şyny kerek. Elımız, jerımız dep kelıp otyrǧannan keiın Qytaiǧa qaitarmasa eken dep tılegımız bar. Elde qalǧymyz keledı.
«Adyrna» ūlttyq portaly
