Elımızde tötenşe jaǧdai jariialanyp, toi jasauǧa tyiym salynǧany barlyǧymyzǧa aian. Prezidentımız Qasym-Jomart Toqaev «Qazır "Toiyŋ toiǧa ūlassyn" dep ändetıp, toi toilap jüretın uaqyt emes»,- degen edı.Alaida, karantin kezınde «Qazaqtyŋ toiy bıtpesın» degen ūrandy arqau etıp, jasyryn toi ötkızıp jürgenderdıŋ qarasy köp.
Karantinde toi ötkızgender qalai jazalanady?
Zaŋbūzuşylyqqa jol bergen jaǧdaida rejimdı būzǧandar jauapkerşılıkke tartylady. Toi ielerıne äkımşılık qūqyq būzuşylyq turaly hattama toltyrylyp, 30 AEK (83 340 teŋge) kölemınde aiyppūl salynady. Nysan ielerı 230 AEK ( 319 470 teŋge) töleuge mındettı. Şıldeaiynda Batys Qazaqstan oblysynda toi ötkızgen tūrǧyndarǧa 1,5 mln teŋge aiyppūl salyndy. Qazırgı taŋda Roza Rymbaeva men Töreǧali Töreälınıŋ otbasynda bolǧan toilarǧa qatysty tekserıs jürıp jatyr.
Toi toilatyp jürgen şou-biznes jūldyzdary
Karantinde otyru änşıler qauymyn jalyqtyrǧan syŋaily. Bügınde olar toida öner körsetıp, napaqasyn tabuǧa köşken. Esterıŋızde bolsa, būǧan deiın jelıde Maqpal Jünısova, Nūrjan Tölendiev, Töreǧali Töreälı, Äbdıjappar Älqoja, Jazira Baiyrbekova, Saltanat Baqaeva syndy jūldyzdardyŋ toida öner körsetıp jatqan videolary taraǧan edı.
Toi tızgınşılerı nemen ainalysyp jür?
Tötenşe jaǧdaiǧa bailanysty toidan tabys tauyp jürgen asabalardyŋ käsıbı tūralap qaldy. Toi tızgınşılerı nemen ainalysyp jür? «Adyrna» ūlttyq portaly sūrap kördı.
Saǧyndyq Sälmūhanov:
- Qazırgı taŋda köptegen nysandar öz jūmysyn qaita bastady, bıraq toi ötkızuge salynǧan tyiym alynbady. Asabalar üşın būl myqty soqqy boldy. Qazırgı taŋda älı künge deiın būryn qabyldap qoiǧan tapsyrystarymnyŋ aqşasyn qaitaryp jürmın. Toi toqtap qalǧan kezde saudamen ainalysyp kettım. Jasyratyny joq, karantin kezınde şaqyrtular tüstı, bıraq köp emes. Aşyq aspan astynda qolyma antiseptigımdı ūstap alyp, toi ötkızdık. Oǧan 20-40 şaqty adam qatysty. Halyq mikrofonsyz tılek aitty. Toi da būrynǧydai ūzaqqa sozylmady. Negızı toi ötkızuge rūqsat beru kerek dep oilaimyn. Öitkenı, halyq kafelerge baryp tamaqtanuda, sauda oryndary da aşyq. Bylaişa aitqanda, adamdar köp şoǧyrlanǧan jerlerde jür. Aşsa, barlyq jerdı bırdei aşu kerek.
Qūdaibergen Sūltaniiarov:
- Toi bizneste 2006 jyldan bastap jürmın. İä, karantinge deiın toiǧa jiı şyǧyp tūruşy edık. Alaida, eldegı ahualǧa bailanysty būl käsıptı şetke ysyryp qoidym. Öz basym qalypty ömırge qaita oralǧannan keiın ǧana asabalyq qyzmetımdı qolǧa alamyn dep şeştım. Karantin barlyǧymyzǧa janaşyr jan boludy üirettı. Tötenşe jaǧdai kezınde äleumettık jelıdegı oqyrmandarymyzben bırıge otyra Oral qalasyndaǧy mūqtaj 3 otbasyǧa üi alyp berdık. Qazırgı taŋda negızgı jūmysym bar. Mektepte muzyka pänınıŋ mūǧalımı bolyp qyzmet atqaramyn.
Satybaldy Ädılhan:
- Şükır, jūmasyna 2-3-toiym bar.
Aidyn Jaqyp:
- Asaba bolǧanyma 5 jyl boldy. İä, tötenşe jaǧdaiǧa deiın şaqyrtular jiı tüsetın edı. Qazır toiǧa köp şaqyrmaidy, sebebı halyq ta qataŋ rejimdı ūstanyp otyr. Öz basym üi ışınde bolatyn şaǧyn toilardy basqaryp jürmın.
Meirambek Kenjeǧaliūly:
- Toi ötkızudıŋ toqtatylǧanyn jaqsy bılesızder. Bügınde asabalyqty qoiyp, qūda retınde kelın äkelıp jürgen jaiym bar. Toi tızgının mäŋgı ūstamaitynymyz būrynnan belgılı jaǧdai ǧoi. El qatarly ömır sürıp jatyrmyz. Dese de, qazırgı taŋda toiǧa şaqyrtular köp kelıp tüsude. Osy oraida«Toisyz qazaq joq şyǧar» degen pıkır erıksız eske oralady. Alaida, karantinge bailanysty asabalyqty toqtattym.
Qūrmettı oqyrman, al sız toiǧa baryp jürsız be?
Diana ASAN,
«Adyrna» ūlttyq portaly
