Reseılik joǵary oqý oryndarynda bilim alyp júrgen qazaqstandyq stýdentter kómek surap tıisti oryndarǵa hat joldady dep habarlaıdy «Adyrna» ulttyq portaly "Kommersant" gazetine silteme jasap.
Reseı úkimeti stýdentterdiń shtatty rejımde oqýyn jalǵastyratynyn málimdegen bolatyn. Osyǵan oraı sheteldik stýdentter, olardyń qatarynda qazaqstandyq stýdentter shekaranyń ashylmaýyna baılanysty qashyqtan bilim alýǵa májbúr bolmaq. Qashyqtan bilim alýdy qalamaǵan stýdentter máseleni sheship berýdi surap Reseı úkimetinen, FSBdan, Reseı Syrtqy ister mınıstrliginen, Reseı Bilim jáne ǵylym mınıstrliginen kómek surap arnaıy hat joldaǵan.
Myńdaǵan qazaqstandyq stýdenttiń qoly qoıylǵan bul hatta: «RF Bilim mınıstrligi stýdentterge shtatty jaǵda bilim alýǵa ruqsat berdi. Al biz, basqa eldiń Reseıde oqıtyn stýdentteri shekaranyń ashylmaýyna baılanysty mundaı múmkindikten shet qalyp otyrmyz. Sol sebepti, bizge de óz oqý oryndarymyzǵa oralýǵa jaǵdaı jasalsa dep suraımyz. Birimizdiń jataqhanada jeke zattarymyz qalsa, endi birimiz jaldamaly páterimizden aıyrylǵaly turmyz.
Al bárinen buryn, shyǵarmashylyq mamandyq pen medıına salasy boıynsha bilim alyp jatqan stýdentterge qashyqtan bilim alý múmkin emes. Biz bilim deńgeıimizdiń básekelesterimizden tómen bolýyn qalamaımyz» dep jazylǵan. Bul problema tek qazaqstandyq qana emes, túrkimenstandyq stýdentterge de ortaq. Óıtkeni Reseı joǵary oqý oryndarynda shamamen 44 myń qazaqstandyq stýdent bar bolsa, túrkimenstandyq stýdentter sany 30 myńnyń aınalasy eken.
Bilim jáne ǵylym mınıstrliginiń málimetinshe, 2019-2020 oqý jylynda Reseıde 297 993 sheteldik stýdent oqyǵan. Olardyń kópshiligi Qazaqstan, Túrikmenstan, Ózbekstan, Qytaı, Tájikstan, Ýkraına, Úndistan, Belarýs, Ázirbaıjan jáne Qyrǵyzstan elderiniń stýdentteri.
foto ashyq derekkózden alyndy.
