Sybaılas jemqorlyqqa qarsy qyzmet Qazaqstannyń bilim salasyndaǵy eń jemqor óńirlerdi atady, - dep habarlaıdy Adyrna.kz saıty Tengrinews.kz.-ke silteme jasap.
2019 jyly bilim berý qyzmetkerlerine qatysty sot isinde 164 is qaralǵan bolatyn. 2020 jyly bul kórsetkish 201-ge deıin artty. 107 qylmystyq is sotqa joldanyp, 35 adam sottaldy.
Aıaqtalǵan sot isteri boıynsha belgilengen shyǵynnyń somasy 254 mıllıon teńgeni quraıdy, onyń 236 mıllıony óteldi. 2019 jyly qarjynyń 25 mıllıony qaıtarylǵan.
«Taldaýlarǵa súıensek, bilim berý salasynda jemqorlyqqa anaǵurlym beıim aımaqtar: Shyǵys Qazaqstanda - 30 fakt, Túrkistan oblysynda - 28, Mańǵystaý oblysy - 20, Qyzylorda oblysy jáne Nur-Sultanda - árqaısysy 16 fakt», - dedi sybaılas jemqorlyqqa qarsy is-qımyl agenttigi departamentiniń asa mańyzdy ister boıynsha tergeýshisi Danııar Bıǵaıdarov.
“Adyrna” ulttyq portaly
