Buıyrtsa, COVID-19-ǵa qarsy óz vakınamyzdy saldyrtamyz

2364
Adyrna.kz Telegram

Qazaqstandyq ǵalymdar ázirlegen COVID-19-ǵa qarsy vakına jaqsy nátıje kórsetti. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi. 

«Ózderińiz biletindeı, qysqa merzimniń ishinde ǵalymdarymyz COVID-19-ǵa qarsy 2 vakınany daıyndady. Dúnıejúzilik densaýlyq saqtaý uıymy ol vakınalar boıynsha sheshim qabyldap, óz tizimine engizdi. Bizdiń ınaktıvtelgen vakınamyz qazirgi ýaqytta klınıkaǵa deıingi kezeńnen ótip, óte jaqsy nátıjeni kórsetti. Sýbbirliktik vakınamyzǵa klınıka aldyndaǵy zertteý jumystaryn júrgizýdemiz. Munan bólek, úsh platforma boıynsha vakına daıyndaý ústindemiz», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesinde. Onyń atap ótýinshe, klınıkaǵa deıingi synaq nátıjesi atalǵan vakınalardyń qaýipsiz ekendigin kórsetken. «Aldyn ala nátıjeleri óte jaqsy. Atalǵan ınstıtýttyń bazasynda bıo-farmaevtıkalyq zaýyt salynyp jatyr. Ol GMP standarty boıynsha ımmýndyq-bologııalyq preparttar shyǵaratyn bolady», - dedi Ashat Aımaǵambetov.

foto ashyq derekkózden alyndy.

 

Pikirler