2021 jyldyń jańa oqý jylynda 1-synyp oqýshysy saýatyn «Álippemen» ashatyn bolady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy «Adyrna» ulttyq portaly QazAqparatqa silteme jasap.
«Ózderińiz biletindeı, bıyl 1 qyrkúıekten bastap 11-synyptar jańa baǵdarlamamen oqýǵa kóshetin bolady. Munan bólek, memlekettik standartqa ózgeris engizildi. Ol ózgeristiń aıasynda mektep baǵdarlamasyna sáıkes, 1-synyptarǵa 1-2 toqsan «Álippe», 3-4 toqsan «Ana tili» engizildi. Búgingi kúni biz osy baǵyt boıynsha jumys júrgizip jatyrmyz. Qazir oqýlyqtardy, baǵdarlamany daıyndaý ústindemiz. Kelesi jyly osy oqýlyqtar, baǵdarlamalar bizdiń barlyq 7 myń mektepte qoldanylatyn bolady», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.
foto ashyq derekkózden alyndy.
